陳庭欣被傳介入「翻版Baby」卓楓而同唐偉倫之間，不過卓楓而都搵到佢真命天子。
前港姐陳庭欣早前同有米律師新歡唐偉倫多次高調出雙入對，但有傳其實佢喺介入唐偉倫同「翻版Angelababy」卓楓而（Candice）嘅關係。早前Candice接受東網訪問時講起呢段感情嘅時候，起初都好大方，仲話喺2016年3月已經同唐偉倫分手，結束四年情，之但係講到陳庭欣，竟然話「不值一提」！
依家轉型做歌手嘅Candice，雖然只得26歲，但年紀輕輕嘅佢，估唔到喺25號已經做咗人妻尋日藝人鄧以婷喺社交網上載同着住婚紗嘅Candice合照，話見證佢出嫁真係覺得好開心，她留言：「我的寶貝凸凸，其實我很欣賞她，她很勇敢，愛真是需要勇氣。她很堅持，不會輕易放棄一段感情。她很樂觀，面對什（甚）麼事情也會欣然接受，她會呻但很快就沒事了。今天真的很感動，她在台上哭時我也偷偷掉了一滴淚，我相信這是上天對她最好的安排，她一定會很幸福！最後她今日真係好靚❤」
至於模特兒羅芷君亦都有上載同Candice朝早出門嘅相，她就：「恭喜您去到人生另一個階段，一切得來不易...好感動你終於找到自己想要的❤要幸福快樂啊。」但兩位好姊妹就冇上載新郎哥個樣，只喺係喜字貼度見到新郎哥個名叫「Samson」，唔少網友都話Candice想見老公個樣，希望佢快啲上載張合照嚟睇吓！
來源 source: http://hk.on.cc
|
鍾意就快D Share啦！
|
|
|
