亞視前藝人洪羅拔近年淡出螢幕，成名作是88年跟周美鳳及李道洪一起主持的亞視節目《活色生香》，周美鳳和李道洪都很緬懷這位舊拍檔。
李道洪表示兩人相識30多年，現居上海的他昨表示未聞洪羅拔有病，他在電話說：「我最後一次見佢係14年，從來冇聽佢有乜嘢病痛。」李道洪指洪羅拔是真正上海仔：「佢成日同我講上海話。」回想當年合作做節目，李道洪說：「佢喺TVB訓練班出嚟，後來過咗亞視同我合作，第一次識佢。覺得呢個人好醒目，口才好，大家拍檔好開心。《活》第一年大家分寸把握好好，欣賞佢嘅急才。」
同樣跟洪羅拔認識30年的周美鳳，原來她當年推薦選完新秀的洪羅拔做《活》主持，她昨在電話飲泣回應，本相約大前日飯局，可惜洪羅拔因病缺席，周美鳳續說：「原來佢周五半夜定噚日朝唔舒服，打999入威院，去到係插喉，但仲精神，同姪女有傾有講，點知咁突然，姪女有見到佢最後一面。9號佢生日，大家仲諗住慶祝。佢個人樂觀、開朗，幾年前發現肝癌，一樣好活躍。」
採訪：魯吉、林妙萍
來源 source: http://hk.entertainment.appledaily.com
|
鍾意就快D Share啦！
|
|
|
