掃呢頁CODE去手機

2018年1月5日 星期五

中文金曲:老婆藐爆!李克勤買車做獎勵 __,克勤,李克勤,

老爺車呢啲嘢,鍾意就覺得好正,唔鍾意就……歌手李克勤於《十大》音樂會中獲得「金曲40全球傑出歌手獎」以及憑歌曲《失魂記》奪得「全國最佳中文金曲獎」,加 ...


老爺車呢啲嘢,鍾意就覺得好正,唔鍾意就……


歌手李克勤於《十大》音樂會中獲得「金曲40全球傑出歌手獎」以及憑歌曲《失魂記》奪得「全國最佳中文金曲獎」,加上其他頒獎禮所得的獎項,總共獲得14.5個獎項,橫掃樂壇成為終極大贏家。克勤在接受訪問時表示只想咳嗽快些痊愈,更笑言於後台與譚詠麟(阿倫)「左麟右李」一齊咳散播細菌。

2018年出國語碟

談及再次獲獎心情,克勤指非常開心:「收穫好豐富,多謝公司、歌迷及阿倫,答應咗佢以後努力同埋踢波嗰陣盡量交多啲波畀佢,參加埋今日(4日)呢個頒獎典禮就完成咗上年嘅承諾,聽日(5日)會放自己一日大假,同老婆去燭光晚餐,跟住繼續開工,之後會返內地做嘢。」他又謂2017年是廣東歌的一年,而2018年就會推出國語大碟,會較少在香港露面:「累積呢兩、三年喺內地做騷、節目同主持經驗,內地嘅市場會熟悉我,唱片Concept去唔同嘅地方搵唔同有特色嘅音樂人做,係一個好大挑戰,希望喺內地可以闖一番事業。」

唔會帶仔上親子節目

問到會否再參加內地歌唱比賽或真人騷?克勤稱已參加了最大型的歌唱比賽:「唔會話唔參與,但其實所有有比賽成分嘅都只係一個騷,都係希望增加曝光率,等大家對你嘅歌唱有認同,都冇規限自己有咩節目唔上,唯一就係要帶埋個仔嘅節目就唔敢上,唔知個仔鍾唔鍾意。(會唔會等佢大啲先?)大大吓就大過我,又唔敢問佢,萬一佢肯點算?始終小朋友都係畀心機讀書。」

老婆唔願坐

克勤於各大頒獎典禮都獲取佳績成終極大贏家,問到會否獎勵自己?他笑言於去年三月已買好禮物:「買咗架福士係同自己一樣年紀。(咁早就知自己係大贏家?)唔係,都係搵個藉口,呢幾日都有揸出街仲撞到徐濠縈(阿徐),啲老爺車要搞牌費同保費,隔咗9個月之後終於可以揸得,感覺好爽,一開門就聞到嗰陣50年歷史嘅味,鍾意就覺得正,老婆一開門聞到就即刻走,仲話畀我聽如非必要唔好叫佢坐呢架車,驚喺條街到跪低就唔知點算,男人鍾意嘅嘢好難解釋,好任性地買,比起依家啲百幾萬嘅車貴就唔貴,廿幾萬,之前就寫咗首歌叫《五十路》就係講呢架車,下星期就會拎佢拍MV。」

---------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!