相信真係愛你嘅粉絲仲會好樂意！
歌手周慧敏（Vivian）一連四場在紅館舉行《一萬天荒愛未老．周慧敏30周年演唱會》完滿結束，尾場除老公倪震繼續坐正頭排位打氣，不少圈中好友包括李克勤夫婦、關淑怡、鄭丹瑞、關心妍與老公、翁嘉穗與老公鄔友正、劉兆銘齊來捧場。而最後一晚是克勤任表演嘉賓演唱多首Vivian的合唱歌，雖然老公坐正台下，但Vivian亦主動擁抱克勤以示謝意，克勤向台下笑問：「呢個攬OK嗎？乜攬都好喇！」Vivian稱不少歌迷都在網上留言說兩人「100歲唔死要做啲嘢」，克勤笑謂：「當日你嚟我演唱會做嘉賓，話我同你每人50歲加埋100歲，我就答開個『100歲唔死演唱會』喇。但如果想睇都唔係呢一、兩年嘅事，假設係10年後，都120歲，變咗『百二人瑞演唱會』。」
克勤讚Vivian「凍齡」厲害，30年前至今都未有變過，請教她凍齡秘笈，幾經追問，Vivian說:「真係要講？好肉麻喎！」克勤謂：「有幾肉麻呀？」她竟公然讚老公：「有老公錫囉。」搞到全場尖叫，而克勤亦反應快：「好彩我老婆都喺台下。」Vivian指克勤身子keep得好，克勤即言：「我有老婆錫囉。」克勤爆倪震知Vivian怕凍，在後台設下十多個暖爐，後台熱到似火焰山，但笑指嘉賓房就沒安排暖爐。
至於Vivian講到信仰時忍不住落淚，要工作人員給她紙巾，她亦不顧「玉女形象」在觀眾面前「擤鼻涕」，她謂：「我可唔可以擤鼻涕？雖然有啲肉酸…一張紙巾唔夠喎，要兩、三張先搞得掂，妝唔可以唔理，我只係想解決咗鼻涕先。」之後Vivian打算到台邊握手，她笑問：「我依家隻手咁，嚟握手介唔介意呀？」歌迷當然大呼不介意，而Vivian就很隨手將紙巾拋低向走到兩邊觀眾席唱歌。
來源 source: http://hk.on.cc
|
鍾意就快D Share啦！
|
|
|