2018年1月31日 星期三

阿Lam甩底《家有囍事》無奈畀多4倍片酬黃百鳴爆星爺獅子開大口 __,阿Lam,周星馳,星爺,黃百鳴,林子祥,

■周星馳在《家有囍事》飾演的常歡,成為港產片中經典角色之一。劇照【最港電影大獎 黃百鳴系列之5 星爺開天價】新春將至,又是重播92年上映的賀歲片《家有 ...




【最港電影大獎 黃百鳴系列之5 星爺開天價】新春將至,又是重播92年上映的賀歲片《家有囍事》的時候。電影中的經典場典、角色到今日仍為人津津樂道。黃百鳴早前接受本報專訪時,大爆飾演「常歡」的星爺只是執林子祥二攤,更獅子開大口,片酬由200萬元,喊價4倍要攞800萬元。

有網友戲言過年不外乎三件事,開枱打牌、𢭃利是,最後就是看電視無限重播《家有囍事》。雖然有點誇張,事實上《家》片演員陣容強勁,張國榮、周星馳及張曼玉當時都是獨當一面。此片監製兼戲中演大佬常滿的黃百鳴,早前在遊艇上接受訪問,大爆當年這部經典片的逸事。



■黃百鳴表示常家三兄弟的角色經過大執位才定下來。 ■林子祥最後因事未能演出原定的大佬角色。資料圖片

要求拍張曼玉

黃百鳴笑言當初找周星馳演出是逼於無奈,原先構思並沒有星爺:「最先呢三兄弟角色,係林子祥(阿Lam)做大佬、張國榮同我,我就做個camp camp哋,拍吳君如做個tom boy,張國榮做周星馳嘅角色,就拍張曼玉,點知林子祥(美國)間屋火燭,喺美國返唔到嚟。要即刻換人囉,咁我第一時間就搵周潤發,點知佢話做緊,又係賀歲喎!嗰個叫做《我愛扭紋柴》,咁即係同你對打台。左搵右搵,咦!咁嗰陣時周星馳啱啱冒起緊,咁就搵佢傾」

當年星爺開了一個天價,但黃百鳴一樣照付:「我趕住要開拍,我明知佢收緊人哋200萬,佢要攞我800萬,我都畀佢,條友仔梗係𧄌飯應啦。佢仲有個要求,睇完個劇本,佢話可唔可以畀我同張曼玉做對手呀。我話唔得,我同佢講『錢你就攞足喇!嗰個對手係張國榮,有兩個角色畀你揀,一係你就做個花心老公,一係就做個camp camp哋。』佢話打死『我都唔做個camp camp哋,寧願做個花心老公。』」



■周潤發因要演另一部賀歲片《我愛扭紋柴》,亦未能參演《家》片。 ■周星馳當時主動要求要與張曼玉合作,最終亦得償所願。 ■《家有囍事》粒粒巨星,當時票房更高收逾4,800萬元。

高志森勸哥哥

張國榮當時已經退出返到加拿大,黃百鳴着《家》片導演高志森必定要令到他復出,高志森亦完成任務。當張國榮下機返港當日,就要找黃百鳴飲茶傾偈,黃百鳴說:「一坐低就話,嗱,我睇完個劇本,你唔好同我爭,我要做camp camp哋嗰個,個對手係毛舜筠,因為我哋兩個做係一定贏嘅。」難得張國榮肯演乸型角色,黃百鳴自然順水推舟答應,他說:「嗰時我話『咁得啦,我唔會同你爭,我畀你咁我惟有做個花心老公』跟住就打個電話畀周星馳,同佢講『喂,𡃁仔你恨到喇!𠵱家真係你同張曼玉做對手。』」

採訪:陳月媚

攝影:陳俊強



由《蘋果動新聞》和娛樂版舉辦的「最港電影大獎」現正接受讀者投票,選出心目中的最「港」之選,包括最港電影、最港男、女演員等,截止日期為2月21日。賽果將於《蘋果動新聞》和娛樂版揭曉。

「最港電影大獎」投票網址http://bit.ly/thekongestfilmawards




鍾意就快D Share啦!
Related Posts Plugin for WordPress, Blogger...