掃呢頁CODE去手機

2018年1月3日 星期三

樂仔深情唱《MR.》冧老婆 孖千嬅玩不文 __,樂仔,MR.,楊千嬅,千嬅,余文樂,

冧豬!「楊千嬅三二一GO演唱會」開足11場今晚尾場,今日Encore環節有余文樂做特別嘉賓!樂仔跟千嬅在台上不時鬥嘴,樂仔坦言好緊張,千嬅叫他冷靜啲。 ...


冧豬!


「楊千嬅三二一GO演唱會」開足11場今晚尾場,今日Encore環節有余文樂做特別嘉賓!樂仔跟千嬅在台上不時鬥嘴,樂仔坦言好緊張,千嬅叫他冷靜啲。兩人在台上又大講有味笑話,阿樂笑言:「我喺下面好緊張,想搵個窿Q你快啲。」千嬅即話:「你估啲窿下下咁易搵。」笑爆全場。

搵台下樂嫂

樂仔叫千嬅不要鬧佢,因為他父母在場,千嬅就話樂仔太太都在場,樂嫂正坐在兩人面前,但千嬅同樂仔就周圍搵,當看到樂嫂,阿樂笑說:「嚇死我咩!調到遠啲坐嘛!」他又對千嬅笑言太太唔識聽廣東話,所以冇所謂。」不過之後樂仔催千嬅去換衫,再唱出千嬅嘅《MR.》,唱之前仲話:「呢首歌好啱我依家呢個狀態。」公開大冧老婆!

愈講愈有味

千嬅過去10場都冇嘉賓,千嬅表示因爲樂仔曾承諾過,如果千嬅開騷他會做嘉賓,樂仔說:「我講得出做得到。」樂仔笑言一世人未試過喺紅館咁樣升上來,他覺得好威,他搞笑說:「可唔可以升多次畀我。」因為個升降舞台升到好10尺高,他說:「頭先升咁高嚇死我。」千嬅即笑阿樂:「請個嘉賓佢話鍾意升降台,升嗰啲啲邊到威啫?做人要威就威到盡,一升就升到盡。」阿樂即再講有味笑話:「一係唔好扯,一扯就扯高啲。」千嬅即阻止他再說:「得得,好多小朋友喺度。」

觀眾唔捨得走再Encore

演唱會最後一首歌,千嬅唱到最後忍不住喊,完場觀眾不肯走,叫足5分鐘Encore、千嬅,千嬅才終於再次出場!千嬅笑言自己已冇聲,她聲沙沙表示盡力唱,隨即高唱「少女的祈禱」及「勇」,為演唱會畫上完美句號。


來源 source: http://hk.on.cc
鍾意就快D Share啦!