2018年1月30日 星期二

汪小菲未經同意晒幸福 大S面尖激似少女 __,大S,汪小菲,徐熙媛,

徐熙媛(大S)瘦到連老公汪小菲忍唔住炫耀,不過又真係成個少女咁嘅!台灣女星徐熙媛(大S)與老公汪小菲結婚後,分別於2014年及2016年誕下囡囡汪希玥 ...


徐熙媛(大S)瘦到連老公汪小菲忍唔住炫耀,不過又真係成個少女咁嘅!


台灣女星徐熙媛(大S)與老公汪小菲結婚後,分別於2014年及2016年誕下囡囡汪希玥及囝囝汪希箖!產後嘅佢身形未回復最佳狀態,有時脹到仲被網民懷疑有喜!不過最近大S下定決心減肥,一個月減咗二十幾磅,意志堅定到連老公都佩服得五體投地!而呢日汪小菲又忍唔住炫妻,冇問過老婆就晒出家庭照,因為「主要是瘦了」!

見到佢哋去咗樂園玩,又齊齊坐摩天輪,非常溫馨,而大S就攬實仔女笑得勁燦爛,不過重點就係佢真係成個瘦晒,瓜子臉返晒嚟,真係成個少女咁,完全唔似一個已經41歲嘅人母!而且呢啲相仲係冇P過圖,網民都激讚大S素顏都咁靚!

而汪小菲就留言:「雖然這組照片沒有經過老婆同意,但還是要發一下,主要是瘦我很久沒坐摩天輪了,弟弟一直哭叫,我一直閉著(着)眼念叨。媽媽姐姐到是樂開花了。我很珍惜這些時光,雖然回家會和老婆激動的聊聊台灣現狀,工作的困難,但那些亂七八糟的,確實不能影響我們家庭的快樂!」不過呢個發文冇耐就刪除咗,唔通係畀大S鬧?

----------------------------

東網巨星開咗ig喇,大家快啲follow

 https://goo.gl/KGuo2N 


來源 source: http://hk.on.cc
鍾意就快D Share啦!
Related Posts Plugin for WordPress, Blogger...