藝人岑麗香結婚後的女神光環未有幻滅，更添人妻韻味，她首次披露與老公「強強」的相識經過，自爆二人在朋友介紹下「Blind Date」（盲目約會），兩個陌生的人，不知道對方的長相、背景，直至見面才知道原來大家早有一面之緣，可算是命中注定！強強為她甘願放棄在加拿大建立的事業，來香港重新出發，香香婚後亦事事以老公為先，大小事項都作出匯報，連拍咀戲都先與老公商量！
2016年結婚的岑麗香（香香），由「香香公主」搖身一變成為「人妻香香」，但女神魅力不減，她的新身份更增添了一份韻味。每次講起老公強強，香香都會笑得十分燦爛，直認這段姻緣是天注定！
用短訊作溝通
香香更首次披露與強強是「Blind Date」（盲目約會）而認識，她說：「當時我同朋友講，我想由零去認識一個人，咁就由朋友去安排，其實有好幾個朋友都想撮合我哋，所以我覺得係神嘅安排！」
好有緣分呀
簡單來說，香香與強強是「相睇」而認識，二人起初只用短訊、電話去溝通，對於對方的長相、背景毫不知情，香香說：「第一次知佢咩樣，就係佢嚟我屋企接我去約會！」不過，原來他倆並非首次見面，香香表示讀大學期間曾在一間餐廳做兼職，不時會見到同事好友獲男友前來探班，強強當時就曾經跟過朋友一起出現在餐廳，所以他倆在多年前已有過一面之緣，此事令香香更加相信，二人的緣分是上天的安排！
移居香港遷就老婆
強強在加拿大發展多年，早已建立起事業及朋友圈，但婚後，他為香香甘願放棄多年基業，以及犧牲與朋友及家人的相處，隻身來港由零開始，為的就是成就老婆做演員的夢想，香香當然冧爆，直言老公很Man：「一個男人願意為一個女人去犧牲咁多嘢，就係為咗Support我嘅夢想，佢真係好偉大、好Man！」
成為人妻後，香香說經常聽到別人問她：「幾時生仔呀？」，對於生小朋友，仍為演藝事業打拚的她表示暫時未有計劃：「我有同老公傾過，大家都想順其自然，我哋拍拖時都係Long Distance，依家想多啲二人世界時間先！」
很多人以為香香嫁人後就會收山，做全職太太照顧老公，但其實過去一年她都忙於拍劇，她說：「其實結完婚之後，有段時間我返咗加拿大探吓屋企人，返嚟香港之後就一直拍劇，拍完《果欄中的江湖大嫂》之後又拍《溏心風暴3》！」
婚後一樣搏到盡
香香承認熱愛演員工作，認為只要在工作與私人時間之間取得平衡，就沒有需要退出幕前，甚至強強在來港定居前，也從來沒有要求過她退出娛樂圈，她大可繼續打拚。
在無綫台慶劇《溏心風暴3》中，香香飾演含着金鎖匙出世的富二代，與出身平民的王浩信相愛，卻被飾演媽媽的米雪棒打鴛鴦，二人經歷相愛卻不能愛，幸最後能修成正果！香香指劇集中的愛情橫跨二十年，令她印象難忘：「鍾意一個人，但係又唔可以一齊喎，我睇劇本嗰時已經覺得好慘。之後我喺度諗，如果我唔可以同我老公一齊嘅話，會點呢？我覺得好慘呀！」
只求平淡唔想咁激
被問到會否想在現實生活中有一段如此刻骨銘心的愛情？香香即笑言：「我想過平淡嘅人生，唔想咁多打擊喎！但拍戲就係咁，可以過一啲現實中過唔到嘅生活！」香香亦十分感謝米雪帶她入戲，她說：「劇入面我為咗幫屋企人渡過難關，要嫁比陳智燊，但係我唔鍾意佢，有一場戲係我攬實米雪姐喊！」她指米雪十分願意教她，拍攝結婚的一場戲時，真實地感到一段母女情。
服裝：TOPSHOP
髮型：Nicole Yip@ii hair
化妝：Zoe Fan
場地：鮨文
----------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|