Louis早前喺拉斯維加斯開騷。
甄澤權（Louis）不時到世界各地作巡迴魔術之旅，去年更完成夢想，到美國拉斯維加
斯舉行個人魔術騷，Louis說：「近幾年先真正敢諗，目標好似愈嚟愈近，頭一兩次傾唔成事，最初計劃四、五十歲先做到，依家提早咗好多，喺2017年終於做到。」
為在拉斯維加斯開騷，Louis花了不少時間準備綵排，開騷前心情緊張，除了魔術還要用英語、普通話與觀眾互動：「喺拉斯維加斯表演感覺好興奮，完成咗自己一個好大嘅目標，世界上最出色表演者、巨星，好似我偶像大衞高柏飛都喺呢度表演緊，能夠有自己嘅魔術騷真係好圓滿。」
入紙望圓夢
Louis在拉斯維加斯開騷之餘，亦第八次睇偶像大衞高柏飛開騷，最欣賞他力求進步不斷有新魔術。Louis亦揚言永不停步，今年更有大計，已入紙紅館申請舉行個人魔術騷，若獲批的話，將會成為第一位亞洲魔術師在紅館開騷：「唔止歌手有紅館夢，每一個表演者都想喺最具標誌性嘅紅館開騷，有屬於自己嘅舞台。自己已經籌備緊，好似練習魔術，可能瞬間將自己由舞台變咗上山頂位，又由一邊山頂變去另一邊山頂，做到就冇得頂，希望申請成功！」
拍劇當磨練
近期Louis 除在內地與黃宗澤拍攝網劇《守護神》，還在北京拍攝魔術節目：「拍劇係好好嘅磨練，其實我記對白好差，《街頭魔法王》幾句對白都要記好耐，黃宗澤睇一兩次就記得晒，好多謝佢教我試記畫面、場景，唔好淨係記對白，呢啲就係演員天分，我都係做番魔術師」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
