同樣蜜運中的蔡卓妍，昨日凌晨在Ig貼文祝福好姊妹，留言：「千言萬語，在心中」，阿嬌即回覆：「除了他，你也是我人生中最重要的人，真的是千言萬語在心中。」其他同公司歌手、藝人，亦即時為阿嬌送上祝福，衛詩雅接受《蘋果》電話訪問表示：「好興奮，知道呢個消息好開心，佢哋好襯，男仔又靚仔，阿嬌係我哋嘅女神又咁靚，外表好襯，佢男友又好錫佢，所以好開心，希望佢哋幸福快樂，新婚愉快。」鄭希怡（Yumiko）則以短訊回覆：「好替嬌開心，一切在心中。」鍾舒漫亦表示有第一時間發短訊祝福阿嬌。容祖兒說：「睇到佢嘅Instagram，我好開心、好感動，真係感動到想喊，佢喺我心目中係好值得有一個人係全心全意愛佢同照顧佢，希望大家都戥佢高興、祝福佢」
阿嬌經理人霍汶希表示：「好開心知呢個消息，我其實等咗今日好耐，希望阿嬌永遠幸福，阿嬌係個非常值得人愛嘅女仔，佢亦係心地非常好嘅女仔，希望佢嘅另一半能讓佢永遠幸福，令佢永遠可以有愛嘅感覺。」
來源 source: http://hk.entertainment.appledaily.com
|
鍾意就快D Share啦！
|
|
|