任達華入TVB宣傳大受歡迎，他還向胡定欣點讚。
影帝任達華、唐詩詠、方力申、王菀之、姜皓文、莊思明及麥子樂到將軍澳電視城宣傳英皇電影《我的情敵女婿》，到餐廳派揮春及魚蝦蟹，吸引大批TVB員工包圍索合照。
任達華表示很久沒有到將軍澳電視城，只是之前台慶來過一次，今次再來令他勾起四十年前首次拍劇的情景，亦心郁郁想再拍劇：「好鍾意拍劇，四個月喺埋一齊，大家庭咁好開心。（想再拍劇？）今年都可以考慮。（咩題材？）唔知，咩角色都OK，最想演警察，多啲矛盾，工作同家庭有唔同嘅矛盾。（識唔識依家啲花旦？）佢哋好叻㗎！有好多好演員。（依家識邊個新人？）胡定欣，幾好呀！（佢唔新喇！）我知！咁每年有新港姐、華姐，我唔介意帶新人，我都做過新人，咁先可以令行業更好，華姐出身有好處，表現自然啲，融入埋香港文化就更好。」
要求每日十小時休息
任達華表示想再拍劇的想法未跟TVB高層傾過，但若成事相信可以安排到時間。問有甚麼條件？他說：「休息時間當然要夠，咁先夠活力，每日至少要十小時休息（唔講錢？）都要求呀，我貴㗎！以前拍劇賺唔番，希望賺到買到樓，講笑啫！感情最重要，仲有劇本，有時同新導演合作我都只係拎封利是仔。」
問農曆新年會否出埠？任達華表示聖誕到了攝氏零下40度的芬蘭，計劃新年與太太及女兒到40度熱帶地方，例如赤道國家或南半球。
來源 source: http://hk.on.cc
|
鍾意就快D Share啦！
|
|
|