九七樓市泡沫摸頂，有很多屋苑到現在還未返家鄉，最經典的要算是有「浩劫灣」之稱的青衣灝景灣，當日開售時更有人買不到單位而痛哭一場。男神黃子華在棟篤笑中說過：「董建華你今時今日能夠唔帶保鑣，單人匹馬行入去嗰個灝景灣，啲人叫嗰個做「浩劫灣」 執番條命仔行番出嚟，我支持你終身做特首」。「浩劫灣」終於洗脫污名，去年中有持貨廿年的業主，以1,150萬元，帳面賺六成將單位賣出。
另一蟹貨重災區深井浪翠園，九七開售時最高成交價逾1,350萬元，一年後樓市爆煲後，低層單位蝕五成以505萬元售出，沙士時期更曾插落至200餘萬元，業主蝕足七成。事隔廿年，今年初見到1期單位，有97入貨業主，最終帳面獲利十六萬，可算是平手離場。但浪翠園5期屋苑的最後一期帝華軒，廿年前高層單位高至建築面積以過萬元成交。但其實帝華軒位置最隔涉，去年初兩個單位均以九百二十多萬成交，較九七買入價蝕5%及7%，地產代理指業主們都傾向起碼「返家鄉」才會離場。如今當樓市大好友汪敦敬都說，「買樓唔係一帆風順嘅賺錢遊戲」時，要入市真的要量力而為了。
撰文：財經組
攝錄：財經組
來源 source: http://nextplus.nextmedia.com
|
鍾意就快D Share啦！
|
|
|