恭喜晒阿聰，關關難過關關過啊！
早前藝人張繼聰喺ig拍咗段短片，自爆每一次返內地工作過關時都會被「扣查」，原因係回鄉證同身份證證件相「出事」，兩張相都同佢依家個樣好大分別，經常被邀請入房問話，佢仲笑言成日聽到排喺佢後面嘅人講「張繼聰畀人拉咗喎！」跟住佢呢個post就被東網報道，唔知係咪因為咁，引起咗關員嘅注意！
今日張繼聰又再次返內地工作，佢上載咗一張舉v字手勢嘅相片然後話終於過關成功，仲要係2次：「懷住感恩嘅心向大家宣布，2次！今日來回都順利過關，我覺得好幸運，不過明白幸福唔係必然，我會抱住謙卑嘅心去迎接下次嘅關口 #明明張証（證）係堅嘅但過到果（嗰）吓有僥倖嘅感覺係咩人生。」真係恭喜晒阿聰！唔使再畀人邀請入房調查，不過好似仍然都係證明唔到自己身份喎！
來源 source: http://hk.on.cc
|
鍾意就快D Share啦！
|
|
|