美國近年屢次發生校園槍擊案，每次慘劇發生後總會懷疑，喺美國讀書係咪安全？
台灣藝人狄鶯及孫鵬嘅18歲獨子孫安佐，去年起喺美國高中留學，今年獲當地大學取錄就讀犯罪心理學，早前孫安佐帶子彈返校，又向同學表示「5月1日不要去學校」。賓夕凡尼亞州警局懷疑孫安佐策劃襲擊，孫安佐涉嫌恐襲被捕，並遭校方退學，警方又喺孫安佐住處搵到防彈背心、步槍的支架、20發九厘米子彈等物品，現時還押監獄及接受精神評估，不過法官裁定准以10萬美元（約78萬港元）保釋。
狄鶯救子心切，今日下午約5點抵達桃源機場準備赴美，孫鵬亦發出聲明代子道歉，孫鵬於聲明中表示：「身為父母的我們相當自責與內疚！我們堅信孩子的無心之過。」
有3個囡囡嘅鍾麗緹今日喺台灣拍廣告，原來佢都有留意孫安佐被拘捕一事，鍾麗緹大女現時一個人喺加拿大讀書，諗落其實都幾危險。鍾麗緹話有啲嘢唔係隨便可以開玩笑：「如果在機場大喊『I have a bomb！』（我有炸彈）」，一定會被馬上制伏。」
咁大女點保障安全呢？鍾麗緹話囡囡其實係有人保護嘅：「女兒交了外國男友，對方很貼心，都會提醒女兒要打電話回家。」女兒男友仲會煮飯俾大女食，起居生活都有人照顧。
精選娛聞，喺晒《娛果》
http://fb.com/appledailyent
來源 source: http://hk.entertainment.appledaily.com
|
鍾意就快D Share啦！
|
|
|