網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年3月21日 星期三

【由4歲半開始講】年中開拍《梅艷芳傳奇》 梅媽做顧問:錢係其次 __,梅媽,梅艷芳,

一代天后梅艷芳過咗身已經十五年,佢喺舞台散發別樹一格嘅魅力同風範係好有王者氣場,把聲又獨特,再加埋佢一生集燦爛同悲涼,咁傳奇嘅歌壇巨星當然好有拍攝價值 ...




一代天后梅艷芳過咗身已經十五年,佢喺舞台散發別樹一格嘅魅力同風範係好有王者氣場,把聲又獨特,再加埋佢一生集燦爛同悲涼,咁傳奇嘅歌壇巨星當然好有拍攝價值,所以安樂電影公司決定今年中開拍《梅艷芳傳奇》,導演落實由曾執導過《寒戰》嘅梁樂民擔任,至於梅艷芳角色人選就定咗係今年28歲嘅香港女模王丹妮(Louise)嚟做。

《梅艷芳傳奇》故事嘅主線,聽講係由梅姐童年講到成名,即係由佢早年喪父,喺梅媽安排下,僅4歲半就出來賣唱養家餬口,喺歌舞廳賣唱一輪嘅辛酸,然後19歲參加華星辦嘅第一屆新秀歌唱大賽勝出,從此同舞台結下不解緣,慢慢變成樂壇巨星。梅姐嘅歌星朋友如張國榮、譚詠麟、四大天王等角色人物會喺入戲面出現。因為戲發生喺香港,所以大部份戲都會喺香港取景。

安樂電影希望個故事更有真實性,所以已經搵咗梅媽做顧問,主要想佢幫部戲提供資料。《蘋果》致電俾梅媽問到呢件事,佢話:「係呀!電影公司想我幫《梅艷芳傳》做顧問俾資料,但我都開出條件,就係內容唔可以有侮辱、核突同負面嘅嘢出現,我唔係冇飯開,錢係其次,最緊要唔可以影衰個女,佢答應我呢啲條件,我先會答應幫佢哋,梅艷芳三個字我已經註咗冊。」

精選娛聞,喺晒《娛果》

http://fb.com/appledailyent



一代天后梅艷芳過咗身已經十五年。(資料圖片)
梅艷芳喺舞台散發別樹一格嘅魅力同風範係好有王者氣場(資料圖片)
《梅艷芳傳奇》角色人選就定咗係今年28歲嘅香港女模王丹妮。(資料圖片)
梅媽話:「係呀!電影公司想我幫《梅艷芳傳》做顧問俾資料。」(資料圖片)

鍾意就快D Share啦!