熱爆娛樂: 【李華華搶先睇】廿年前「代」超人9億投地　奇女子閃現長江中心 _

2018年3月18日星期日

【李華華搶先睇】廿年前「代」超人9億投地　奇女子閃現長江中心 __,超人,

【新增影片】「曾經有一份真誠嘅愛擺喺我面前，而我冇去珍惜...」誠哥，你到底知唔知有位女子等得你好苦？唔好誤會，華華唔係講緊紅顏知己周凱旋，而係1997年「代表」長實地產以9億投地嘅傻婦黃月鶯，喺誠哥宣佈退休當日，驚現長江中心！

話說上周五長和系業績記者會前夕，大約4點幾鐘到，黃月鶯喺長江中心大堂貢嚟貢去，粉紅色冷衫襯紅噹噹外套，望落都幾精神。佢不時問招待處可唔可以上去返工，原因係佢頸上面掛住嘅一張疑似「和記黃埔」卡片。

睇真啲，佢張卡片寫住自己係和記黃埔嘅「僱主、董事黃月鶯」，不過錯處都幾多，例如當年和黃stock code係13，而非113。長實發言人都回應，集團內冇呢位員工。

黃月鶯同長和嘅情緣，要由20年前講起。1997年10月14日，黃月鶯自稱代表長實李嘉誠，出現喺東九龍一幅地皮的賣地場上。這位貌不驚人的中年婦人一而再、再而三出手「bid地」，嚇到一眾發展商拉隊走人。

最後黃婦以8.9億元KO所有人，但最終因為交唔出定金本票，被警方拘留，政府破天荒收回該地皮，而黃婦亦被送入醫院，隨後證實她有精神病紀錄。

睇返資料，原來黃婦97年bid完地出院之後繼續喺地產界「打滾」，03年已經率先去過長和系股東會搵誠哥傾偈，嚇到誠哥面青青要搵霍建寧擋駕。

政府未以現時招標方式出售官地前，過往以公開拍賣方式出售土地，每次投地各財團不單鬥快舉手，以心目中價錢投地之外，財團之間又可透過合組方式出價競投，現場通訊既技巧，臨場存在不少變數，負責舉手投地的代表，認真鬥智鬥機靈。	上周五長和系業績記者會前夕，黃月鶯喺長江中心大堂貢嚟貢去，不時問招待處可唔可以上去返工，原因係佢頸上面掛住嘅一張疑似「和記黃埔」卡片。	不過經過97年10月，懷疑精神有異的黃月鶯，斥8.9億打低眾財團奪九龍灣地皮後，無法付款，政府才覺悟要優化賣地機制，從此賣地場上由「舉手」改為「舉牌」，競投人士需事前進行登記，免再現「烏龍」。