好犀利呀喂！
藝人傅嘉莉（Kelly）早前在節目《今期流行》中分享手工頭箍心得，成為潮人話題，更吸引不少藝人睇中向她落訂。Kelly透露曾到韓國拍廣告，逛街看到手工頭箍後愛不釋手，即使索價三千元，但仍無阻她買下心頭好：「戴上handmade頭箍後好多朋友讚靚，不過價錢都貴，所以就自己試整多一個銀色版本，出嚟效果唔錯，於是開始不斷整頭箍，再PO上社交網，見到好多正面評價，感覺好滿足，通常都會用嚟襯衫，唔同style嘅衫襯唔同style嘅頭箍，擦出火花。」
Kelly透露材料大都從網上訂購或親自到深水埗搜羅，學習期間亦交了不少學費：「網上訂購嘅時候來貨品質好參差，好多買咗都用唔到，惟有當交學費，有啲Vintage物料好貴，可能一件金色牌子都要幾百蚊。其實製作過程中都出現好多難題，例如膠水唔乾，石重唔識分等等，不過都係搵料黐石最難，有時我都會用舊嘅飾物重新包裝，點綴喺頭箍度。設計概念會慢慢諗，有時間都想上堂學整得靚啲，包括縫製技術。」
來源 source: http://hk.on.cc
|
鍾意就快D Share啦！
|
|
|
