林峯早前被本報獨家踢爆跟新歡、內地內衣女模張馨月同遊海洋公園，昨日林峯跟蔡卓妍、鄭秀文及劉青雲等出席英皇電影巡禮時，終於承認跟千語已經分手。林峯被指消瘦不少，他笑言並非為情消瘦：「我拍緊網劇《PTU機動部隊》，冇理由做個肥警察，我冇咁脆弱為情消瘦，我講埋呢次，私人事以後都唔答，其實我同千語都分開咗一段時間，畀啲空間我哋，感情隨緣啦，我會集中番工作。」但就堅拒回應張馨月就是現任女友。
「放下不易」
對於事業林峯表示今年有三套電影及劇集，是重要的一年。之後千語亦在社交網承認分手：「五年間全心全意投入的感情，要完全放下實在不容易，大家請給我空間適應，未來我會勇敢面對。」有傳因為林峯有第三者，導致千語提出分手，千語透過經理人回應「唔好意思，唔答。」此外，與林峯同場有青雲跟原島大地重遇，03年他們合作《忘不了》，青雲抱着原島的劇照展現大銀幕。當司儀要求青雲重演當年這一幕時，他笑說：「我唔介意。」最後只是搭膊頭合照，青雲接受訪問時說說：「佢都咁大個仔，邊好意思呀。」
採訪：卓寶花
攝影：陳慧安
|
鍾意就快D Share啦！
|
|
|