有樂易玲開金口，陳瀅可以放心簽約邵氏
藝人陳瀅、張兆輝到灣仔出席「邵氏兄弟藝人簽約及劇集發布會」，二人正式簽約加盟成為邵氏藝人。活動上，邵氏高層樂易玲笑稱與陳瀅的「爹哋」相識多年，獲對方所託要照顧陳瀅。
陳瀅簽約邵氏5年
之後，陳瀅與張兆輝接受訪問，講到「爹哋」與樂易玲相熟，問陳瀅是否稱樂易玲做「Auntie」？她澄清說：「唔係，係我前經理人公司老闆，佢同樂小姐好熟，我叫佢做『爹哋』。（冇模特兒約？）完晒，依家合約都喺邵氏，其實第一次拍電視劇時已覺得自己鍾意演戲，嚟緊都想喺電視、電影同網劇上試多啲唔同嘅嘢。」問陳瀅是否簽長約？她則透露簽約5年：「差唔多，過程開心嘅，睇吓磨唔磨合到。」
張兆輝滿意片酬
至於張兆輝則表示今次簽約邵氏，因自己希望作多方面嘗試：「想試多啲唔同戲種，公司有好多製作，我自己作為演員選擇多啲、多啲機會。（你簽長耐？）大家合作好自由，簽2、3年。（片酬勁唔勁？）起碼好似依家咁。（你搵得多喎。）唔多，一山還有一山高，強中自有強中手，係一個開心價。（你想演咩角色？）演員係好被動嘅，唔似導演想拍乜就拍乜，都係睇故事。（你想做導演？）唔好喇，我有排都追唔上，做導演要付出好多時間，又要時時掛住劇本。」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|