《流氓大亨》其中最經典嘅一幕！！
近年網上流行經典回憶，最近劇集《流氓大亨》雖然安排喺凌晨播出，但唔少網友都捱眼瞓晚晚追睇！當中最焦點係莫過於萬梓良（萬子）有血有肉嘅演出，而近日播出嘅一集最令網友討論，喺法庭外，萬梓良突然向吳啟華擲垃圾桶，仲突然向佢打一拳，令到吳啟華根本反應唔切！咁都未夠，萬梓良未有收手，繼續打到吳啟華眼鏡都飛甩埋，又向佢叉頸兼扯頭髮，而無故被打嘅吳啟華根本仲未回過神！唔少網友話萬梓良呢個咁逼真嘅動作，覺得佢「劇假真做」。如果嗰陣有萬千星輝頒獎典禮，萬梓良一定拎硬視帝！
嘟姐驚畀萬子真打
呢個場面咁經典，估唔到有份目擊成件事嘅鄭裕玲（嘟姐），今日亦忍唔住喺電台節目重提事件。有傳吳啟華拍完呢幕之後嬲到走人，連剩低嘅戲份都唔拍！而鄭裕玲親自解迷承認有呢件事，仲話事後萬梓良有親自向吳啟華送番隻古董錶「道歉」！鄭裕玲仲自爆之後拍一場萬梓良打佢嘅戲份，搞到鄭裕玲自己都好驚，幕後工作人員仲安慰佢話借位唔使驚，但點知最後萬梓良同鄭裕玲討論劇情，話都係真打比較好啲！
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
