掃呢頁CODE去手機

2018年3月3日 星期六

【關個cup事】李佳芯A級身材唔使blur 無綫「禁奶令」有漏洞? __,無綫,李佳芯,

去年11月,無綫突然發出「禁奶令」,特別針對戲劇或非戲劇,話公司唔鼓勵有太過誇張女性身材及賣弄性感嘅鏡頭,如劇情需要,都只會用「意會形式」表達交代(相 ...




去年11月,無綫突然發出「禁奶令」,特別針對戲劇或非戲劇,話公司唔鼓勵有太過誇張女性身材及賣弄性感嘅鏡頭,如劇情需要,都只會用「意會形式」表達交代(相關新聞﹕http://bit.ly/2iLGE1V)。

咁誇張嘅定義係乜呢?噚晚播出嘅《波士早晨》似乎有咗答案。

拍咗3年先播出嘅《波士早晨》,噚日一集講述林泳淘有意搞一場潛水婚禮,喺酒店泳池學潛水。由於當時未有「禁奶令」,林泳淘亦應劇情需要穿上泳衣示人,佢喺水中彈下彈下,33C上圍表露無遺,但噚日播出街就突然blur咗部份鏡頭,巨咪不見了,唔少網民都話好失望。

反觀擁有32A上圍嘅李佳芯,同樣穿上桃紅色比堅尼,佢扭住蛇腰出場,吸引眾人目光,但就可以保得住「咪咪」唔使被blur,睇嚟被禁出街嘅都係同cup數有關。



精選娛聞,喺晒《娛果》

http://fb.com/appledailyent

林泳淘嘅33C上圍要被blur,但李佳芯嘅32A身材就唔使。(無綫電視截圖) 但有啲鏡頭又冇blur,真係有啲令人摸不著頭腦。(無綫電視截圖)
李佳芯身材偏瘦,出場時被一眾男士眼甘甘望實。(無綫電視截圖)
林泳淘係2012年嘅落選港姐。(ig圖片)

鍾意就快D Share啦!