「第十二屆亞洲電影大獎」今晚於澳門威尼斯人酒店舉行，大會頒發「最佳導演」、「最佳電影」、「最佳男、女主角」等共17個獎項。一眾嘉賓及入圍演員均盛裝赴會，大家於賽前先於紅地氈上爭妍鬥麗，當中以內地女星何琳、顏卓靈及楊崢最為搶鏡！她們戴上贊助今屆頒獎禮的Hearts On Fire鑽飾，閃爆全場！
何琳火艷登場
其中曾獲得第33屆國際艾美獎「最佳女主角」的內地女星何琳，以火紅色低胸晚裝亮相，並配以逾千萬Hearts On Fire 18K玫瑰色及白色黃金美鑽系列首飾，閃到爆！她謂：「今次獲得珠寶贊助好高興，雖然我沒有問首飾價值，但知道心口上那顆鑽石有10卡。（是否感到有壓力？）沒有。（你現在主力在美國發展？）不是，我最近有在內地拍戲。」
顏卓靈晒逾百萬鑽飾
而青春無敵的女星顏卓靈（Cherry）則以「學生大使」身份出現，她以一襲黑色Tube Dress配上簡約鑽飾，不失高貴大方！Cherry表示特別以簡單造型來襯托珠寶，更謂：「大會揀完畀我，跟住我自己又再揀啲，我估總值都超過一百萬。（孭住成層樓價錢。）講完有少少緊張，唔似前兩年咁，今日似嚟觀戰，主要集郵。我頭先已經同張姐（張艾嘉）影咗合照，今晚全部亞洲電影精英都喺度。」
楊崢最愛玫瑰金首飾
至於擔任頒獎禮後台司儀的楊崢就以湖水藍晚裝上陣，她配戴Hearts On Fire玫瑰金首飾，更透露今次獲贊助商開綠燈任意挑選。她謂：「我好鍾意玫瑰金色，因為感覺高貴，而且呢款設計好新。」又笑指女人都喜歡配戴珠寶首飾，但若然戴上價值過億的珠寶會有心理壓力。另外，女星可宜、郎月婷及談善言亦有戴上該品牌首飾。
文詠珊未恭喜黎明
除了以上女星的閃爆鑽飾外，負責頒獎的文詠珊（Janice Man）及鄧麗欣（Stephy）也相當吸睛，以露背露腿、白色希臘女神Look現身的Janice，被問到對於前老闆黎明的新戀情傳聞時，她謂：「未知真定假，如果佢認咗先恭喜（你同黎明新歡阿Wing熟嗎？）大家做過同事，唔熟。」而Stephy就穿黑色低胸大露背晚裝，她表示因天氣問題影響食欲，所以消瘦了兩、三磅。
|
鍾意就快D Share啦！
|
|
|
