真係唔知好嬲定好笑呀！
DJ余迪偉到電台宣傳4月6至8日在演藝學院演出的個人劇場，坦言心情緊張，開始排練時更患上流感：「好驚，係咁屙，個肚勁抽筋，爭啲入醫院，攣喺張床唔郁得。醫生開咗特敏福，依家清晒啦。」提到於IG上載了兩段自己非常反瞓的宣傳片，他自認一向睡得騎呢，發很多開口夢：「瞓醒會周身骨痛或者隻腳瘀咗，就係瞓嗰時拱橋、做運動、拉筋！」
迪偉透露小時候至中學時期都有夢遊，家人因此在窗花上鎖，並不肯告訴他鎖匙在哪兒：「宣傳片全部係真人真事，我試過撞瘀人哋個鼻，係個好Friend嘅女仔，我哋喺床傾偈傾到瞓着咗，佢畀我撞瘀個鼻就去咗隔籬房瞓。（你想趕佢走？）我完全唔知㗎！」
他笑言有時睡覺時仍能與人正常對答，亦曾經因為反瞓而激嬲枕邊人：「踢佢落床！不過佢都唔會嬲得耐嘅，我又唔係特登，或者潛意識係特登，轉個頭咪分手囉！」票房方面，迪偉指現在所餘門票不多，但未知會否加場。問到有否節食？他表示沒有，因為要用很多力，只是每天第一餐不吃澱粉質。
來源 source: http://hk.on.cc
|
鍾意就快D Share啦！
|
|
|
