唔知楊明準備好幾時求婚未呢？！
無綫藝人楊明與女友莊思明以情侶檔到將軍澳出席復活節活動，兩人由「花仔花女」帶領進場，及後楊明親手為莊思明製造頭紗，好似預演婚禮一樣。
司儀問楊明與莊思明對堪輿學家麥玲玲看好他們大有機會今年拉埋天窗，楊明則笑說：「玲玲姐一向都好準，不過今次就…今年應該趕唔切。」莊思明又趁機向男友透露喜歡童話式婚禮，尤其特別喜歡海豚，楊明笑說：「咁要去海洋公園搞。」
楊明受訪時被問到甚麼時候娶女友？他笑說：「盡快，今年就趕唔切。（諗咗點求婚未？）一向都有諗，但未諗到，今日收到重要訊息，不嬲都知佢鍾意海豚，今日知道佢原來想童話式婚禮。」
楊明與莊思明不時以情侶檔出席活動，楊明笑：「太多都驚冇新鮮感，一個星期一次好喇，我都要儲老婆本，酬勞全部畀晒佢。」
問到他們未來可會合作拍劇？莊思明笑說：「佢可以做我爸爸。」楊明笑說：「你講咩呀，我大你少少，咁你做我家姐囉。或者可以做一啲敵對關係，咁會有新鮮感，做情侶就唔好，因為平時都已經係。」
來源 source: http://hk.on.cc
|
鍾意就快D Share啦！
|
|
|
