灰色即係…
歌手鄧麗欣（Stephy）、楊鎧凝、徐榮及鄭麗莎到大潭出席慈善步行起步禮，與參加者齊齊做熱身。Stephy表示11年前曾與主辦機構到孟加拉探訪，她說：「嗰時都幾落後，我哋幾個人縮埋一間房先夠膽瞓，冇熱水沖涼，食嘅又麻麻。」她又指有到醫院了解手術情況及眼疾問題，因此認為活動很有意義：「落後地方嘅人唔係好認識眼疾，以為係正常，嗰次可以教育佢哋。」她透露小學時期已有2、3百度近視，但貪靚不想帶眼鏡，看不清黑板就時常要看同學的筆記：「搞到好似出貓咁！到中學頂唔順，成5、6百度先帶眼鏡。之前成日認錯人，好尷尬，人哋以為我好Cool唔睬人，其實我係見唔到佢，依家就做咗激光手術。」
死都唔爆姊妹秘密
說到前一晚跟懷孕超過五個月的吳雨霏（Kary）見面，Stephy坦言很久沒見對方：「佢好好，幸福滿面，冇肥好多，係飽滿咗，好開心。（知道仔定女未？）你哋問番佢啦。（驚好似上次唔小心爆咗楊愛瑾佗B仔？）上次係冇心，真係唔知佢未講，不過好彩嗰時佢都差唔多宣布，今次我就死都唔會講！」問到可有準備禮物？Stephy表示正在想：「仲有時間。（禮物係藍色定紅色？）灰色，型啲，依家興中性，男女都得，下一個又可以用番。」她自言已是兩個男孩的契媽，不想契太多，但希望有個契女。
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
