2018年4月16日 星期一

【金像獎】有洋蔥 古仔一定要同父母住:依家每日係阿媽嗌我起身 __,古仔,金像獎,古天樂,

古天樂入行25年,終於摘下金像影帝,而他在台上一番話,大大力為香港電影打氣,例如佢話:「我好想講嘅就係,我哋香港人今日一定要團結,我哋一定要做好香港電 ...


古天樂入行25年,終於摘下金像影帝,而他在台上一番話,大大力為香港電影打氣,例如佢話:「我好想講嘅就係,我哋香港人今日一定要團結,我哋一定要做好香港電影。呢個係我好想講。」

之後古仔續道:「好喇,唔知講乜喇。因為我冇諗過……因為我其實唔係一個好多嘢講嘅人嚟嘅。我亦都唔知我可以講乜。但我必須要多謝《殺破狼‧貪狼》嘅所有單位。多謝出品方周焯華、唐才智、于冬。多謝監製Paco(黃柏高)同鄭保瑞,特別係Paco,因為有一日,我同佢宣傳嘅時候,佢失驚無神送咗個金牌俾我,嗰個金牌仲係龍。佢話,你袋住佢啦,佢保你平安。如果有一日你攞獎,要送番個金牌俾佢,我話好呀,因為佢係一個『金牌經理人』。」大家又拍爛手掌。

古仔亦感謝大哥洪金寶,以及眾手足群策群力,另特別感謝經理人芭姐。「同埋我想好想好想,多謝我屋企人。其實我依家咁大個人,我都同屋企人一齊住。我每一日都係我阿媽叫我起身。我唔可以唔同我屋企人一齊住。我覺得一個人,最緊要有一家人嘅支持。就等如我哋香港電影,一定要我哋所有香港人支持,我哋先可以將香港電影再做得更加好。」

向香港電影人致敬!


鍾意就快D Share啦!
Related Posts Plugin for WordPress, Blogger...