陸詩韻早前出席美容品牌活動，提到她有份演出的大型古裝劇《深宮計》即將開播，在裡頭飾演宋王妃的她，跟一班凍齡女神包括羅霖、張文慈等合作。
由於身邊對手咁弗，將要出席連串宣傳活動的她不容有失，原來陸詩韻好鍾意食嘢，為保住24吋腰，她說幾乎日日做運動：「我好鍾意食嘢，食自助餐可以由頭帶尾，食飯都食兩碗，所以平日一定會做運動，好似行山、做瑜伽，總之成日郁無時停，所以我食得咁勁都係110磅。」
多年前開始出自家品牌護膚品，不用拍戲，陸詩韻會一早返公司，她說：「我而家一半從商，習慣咗九點左右返到公司，夜晚又會兩點幾先瞓，雖然好忙，但都好享受。我嘅性格係打不死，又坐唔定，所以愈忙愈開心。不過一有時間，就會喺OFFICE做拉筋動作，所以點忙都有足夠運動量，如果唔係，KEEP唔到呢個磅數同身形。」
- 陸詩韻跟謝雪心、羅霖、張文慈等凍齡女神合作，真係要打成十二分精神。
- 活動當日，黄健東跟陳柏宇都是嘉賓。
- 她跟莊端兒齊齊出席美容活動，交換扮靚心得。
- 唐貝詩(左)跟周美欣這對好姊妹孖住出席活動。
來源 source: http://nextplus.nextmedia.com
|
鍾意就快D Share啦！
|
|
|
