47歲的宣萱，演藝人生上半場都是正氣角色，離開無綫，2016年變身Mall姐回歸，一樣備受激賞。來到下半場，簽約古天樂旗下重拍經典《尋秦記》，拍內地劇過癮演出奸角。獨立女人真性情，越行越順，單身也快樂，「要搵一個啱嘅、夾嘅，大家坐埋一齊舒服就夠。」宣萱希望現時別人想起她，會想起兩個字：開心、信賴。
採訪：林妙萍
攝影：郭賢興
化妝：Kamen Leung
髮型：Keithe Wo of La Biosthetique
首飾、場地提供：Mikimoto
| 黑色套裝 Mikimoto 南洋珍珠、鑽石首飾 | 白色外套 Mikimoto 海螺珍珠耳環 海螺珍珠、鑽石頸鏈 |
宣萱和馬國明昨日在中環出席美容活動，大會送出禮券享用服務，馬國明被取笑可送給女友黃心穎，宣萱笑指以為對方早已改姓馬。訪問時馬國明急忙解釋，尷尬表示暫未有計劃：「未未未，唔好寫到呢度。」宣萱追問二人拍拖幾耐，更指早生仔有好處有精力玩耍。
兩人是民選視帝視后，宣萱直言馬國明感覺似羅家良：「好怕醜，密密做，但好有實力。」馬國明視宣萱是女神，自言站在身旁不敢口花花，好緊張，知對方讚自己儍更更，馬國明說：「即係戇居居。」
採訪：王連連
攝影：林賓尼
宣萱入行20多年，人生也行到一半，如果別人提起她，她希望別人想起那三個形容詞？「我希望係，開心啦、信賴啦，同埋……死喇，諗唔到㖭！」靚女、漂亮這類字，她現時覺得不重要，開心自在最快樂，「平時喺屋企，冇乜嘢做，攤喺梳化睇電視覺得係最開心。」
在2012年，宣萱決定離開無綫後再回歸，近年又跑到內地拍劇，角色可以「由忠變奸」，「返內地拍有個好處，就係佢哋唔會規限你嘅外形似邊一樣，做開乜角色，就會keep住叫你做，佢哋好有彈性，咁樣挑戰性大啲。」她之前演為求自保的壞女人，新作《聽雪樓》更是一個明刀明槍的奸角，「以前做咗好多好人，好人做得太多，冇乜做奸角，所以我𠵱家係對住塊鏡去做，練吓啲表情眼神，好好玩。」
內地工作食住好
適應力極強，宣萱返內地發展完全沒有思鄉病，「我好鍾意返內地，食得好、住得好，當離開香港，我就只係focus喺工作、做嘢，可以好專心。」稍後和古天樂合作《犯罪現場》、翻拍多年前經典《尋秦記》，她心情放鬆，全無壓力，「未收到劇本，我唔會擔心，因為佢好有要求，呢個係一個經典，重播到今日feedback都好好，點樣去突破呢？佢對劇本各樣一定好有要求，所以佢肯開，已經係冇問題。」7月歐遊後，再拍《犯罪現場》，「希望拍戲可以貴精不貴多。」
宣萱在2000年代初，和郭可盈、蔡少芬及陳慧珊成為無綫的「四大花旦」，十幾年過去，其中三人已結婚生仔。宣萱曾公開過多段跟外國人相戀的戀情，有意大利型男Fran、任獸醫的Ruan，但至今仍然單身一人，她亦樂在其中，「拍拖真係要開心，要搵一個啱嘅、夾嘅，大家坐喺度都好舒服嘅人。」隨緣但絕不退而求其次，「唔好食煙，呢個都係我死穴，同埋最好唔好討厭狗」
內疚失母親珠寶
講求心靈與感覺，亦試過有追求者一出手就送鑽石，「以前試過，有人一埋嚟就送咗條鑽石頸鏈，我就退番佢，哈哈哈！佢話，送鑽石好casual箒，但我覺得如果一個女人，接受一份咁貴重嘅禮物，即係話畀人聽：Yes！」個性獨立亦堅強，珠寶首飾通常自掏腰包買，非婚關係更不會接受戒指。宣萱歷年最珍貴的珠寶？「唔見咗喇，係媽咪由細個時戴嘅一條鏈，後來送畀我，好內疚，我唔見咗佢。」
減肥斷六親
身形纖瘦的宣萱，試過一個月內減去12磅，按比例計效果非常驚人。有角色目標、開工日期才減磅的類型，成功方程式，她今年卻不想再用，「試過好早開始，但去到最尾嗰個星期就處於一個半放棄狀態，係辛苦到一個地步，我要食番啲嘢。𠵱家調節成夜晚7點後，我就飲一個湯、食幾條菜咁，總之唔會有一個飽嘅感覺，但又唔會餓到瞓唔着。」
減磅期要斷六親式不見朋友食應酬飯，運動要照做，皆因食對她是一種享受，「唔使開工，我係食得幾驚人，你唔畀我食，我會覺得好慘！」
宣萱籲馬國明早生仔
宣萱和馬國明昨日在中環出席美容活動，大會送出禮券享用服務，馬國明被取笑可送給女友黃心穎，宣萱笑指以為對方早已改姓馬。訪問時馬國明急忙解釋，尷尬表示暫未有計劃：「未未未，唔好寫到呢度。」宣萱追問二人拍拖幾耐，更指早生仔有好處有精力玩耍。
兩人是民選視帝視后，宣萱直言馬國明感覺似羅家良：「好怕醜，密密做，但好有實力。」馬國明視宣萱是女神，自言站在身旁不敢口花花，好緊張，知對方讚自己儍更更，馬國明說：「即係戇居居。」
採訪：王連連
攝影：林賓尼
更多精采時尚內容，盡在http://add.appledaily.com。
|
鍾意就快D Share啦！
|
|
|