2018年5月23日 星期三

big big shop響頭炮 肥媽:視網聯銷 完美示範 __,肥媽,

肥媽和6號喜聞推介的廚具反應甚佳,更謂身邊的親友都訂唔到!
bigbigshop響頭炮肥媽:視網聯銷完美示範無綫首次涉足網購平台,以視網聯銷新搞作「bigbigshop」讓觀眾睇得到就買到,由肥媽在《食好D食平 ...


big big shop響頭炮 肥媽:視網聯銷 完美示範

無綫首次涉足網購平台,以視網聯銷新搞作「big big shop」讓觀眾睇得到就買到,由肥媽在《食好D食平D》使用的廚具作為試業頭炮,取得空前成功,當中鮑參翅肚煲短短兩周售出逾一千個並錄得逾百萬元營業額,為無綫打下強心針,更堅信big big shop以「Show, Tell & Sell」的概念將貨品及服務送到觀眾手上之路向正確,有別於其他網購。

無綫旗下社交娛樂應用程式big big channel推出全新網購服務「big big shop」,而翡翠台於本月7日首播、由肥媽及陸浩明(6號)主持的新一輯《食好D食平D》配合「big big shop」試業,《食》收視企穩20點以上,每晚逾130萬觀眾收看,睇節目的同時,觀眾可立即在big big shop獨家購買德國寶銷售的鮑參翅肚煲及變頻萬用養生鍋。

鮑參翅肚煲 百萬營業額

big big shop趕及在母親節前開業,觀眾反應熱烈,鮑參翅肚煲已極速售罄,短短兩星期單是此煲已賣出逾一千個,錄得逾百萬元營業額,今次肥媽結合電視娛樂資訊和網購服務空前成功,仍有大批觀眾繼續訂購節目內的產品。無綫助理總經理(非戲劇製作)余詠珊表示big big shop有別於傳統電視購物和網購,將電視娛樂變成電視娛樂消費,帶給觀眾新體驗,將來可以話「睇得到就買到、睇得到就食到、睇得到就去到」。

余詠珊又指出今次視網聯銷概念:「show on TVB,sell in big big shop」,有三步曲:Show──即以原創電視節目在合法、合情及合理之下,用輕鬆及有趣手法向觀眾提供新產品、科技及服務資訊;Tell──即配合電視傳統30秒或一分鐘廣告及新媒體宣傳,包括於myTV SUPER和big big channel以短片形式詳細推介,使消費者有更多了解;而Sell──即有意購買的觀眾,可立即在big big shop訂購及付款,完成交易後貨品便直送到府上。她表示無綫會繼續以製作優秀節目行先,再找商戶合作,不會純以賺錢為目的,亦方便觀眾在電視看到產品後便可「據為己有」。而big big shop與廣告客戶合作,主打精選模式,向消費者推介優質商品和服務,在反應良好下,將來會提供更多選擇,用視網聯銷模式去協助大、小企業開拓新的電貿商機。

《愛.回家之開心速遞》演員滕麗名、呂慧儀和劉丹等齊齊品嘗美食。
  • 《愛.回家之開心速遞》演員滕麗名、呂慧儀和劉丹等齊齊品嘗美食。
「紅衫魚」蘇韻姿和「安仔」周嘉洛,對鮑參翅肚煲及變頻萬用養生鍋甚有興趣。

  • 「紅衫魚」蘇韻姿和「安仔」周嘉洛,對鮑參翅肚煲及變頻萬用養生鍋甚有興趣。
「送水輝」許家傑(左二)細心聽展銷會工作人員的講解。

  • 「送水輝」許家傑(左二)細心聽展銷會工作人員的講解。
呂慧儀(右)讚滕麗名是烹飪高手,圖中為劉丹。

  • 呂慧儀(右)讚滕麗名是烹飪高手,圖中為劉丹。

對於《食》內推介的廚具反應極佳,肥媽表示知道喜訊,身邊親友都未能訂到。問到有否分紅?她笑說:「冇o架!傾嗰陣我係收一個價錢,就算賣斷市都唔關我事,但我收嘅錢都好滿意!依家視網聯銷呢個新概念,可以話係完美嘅示範。」

「下次我點都要分紅!」

問肥媽下次再合作想賣乜?她說:「廚房有嘅嘢都可以賣,但下次我點都要分紅o架喇!(同無綫有冇傾添食?)本身有好多嘢忙,最快都要秋天先成事。」至於陸浩明笑言也有呼籲親友用App買煲:「有親友問託我買係咪有折,我叫佢哋自己上big big shop買,有贈品送,抵過我代購!(有分紅?)唔知喎!不過如果有我都開心,肥媽分到個煲嘅話,我諗我點都有套刀」對於big big shop大受歡迎,他笑言下次可跟肥媽賣母子裝、美食、情侶服飾甚至日本樓盤。

呂慧儀阿滕歎大餐

此外,處境劇《愛.回家之開心速遞》演員滕麗名、呂慧儀及單立文等,日前到電視城品嘗由鮑參翅肚煲及變頻萬用養生鍋炮製的炆鮑魚、慢煮羊架、無油炸雞及黑松露炒蛋等豐富美食,食得勁滋味!眾人坦言想叫公司送煲,呂慧儀笑言:「雖然我煮嘢唔叻,但會學好廚藝。」她指廚藝最叻是滕麗名,被問到可會向對方「偷師」時,身旁的滕麗名自詡是高手,更搞笑說:「佢都未問我,佢問我咪教佢囉!」呂慧儀又透露單立文煮食都有一手:「上次佢煮螺絲粉,我同湯盈盈第一次試佢手勢,真係好好食,豹嫂(胡蓓蔚)真係好幸福。」

而無綫當日亦舉行「big big shop大大着數展銷會」,不少職藝員對產品甚有興趣,有些更即場購買,場面墟冚!

文:影視組






鍾意就快D Share啦!
Related Posts Plugin for WordPress, Blogger...