日本殿堂級男歌手西城秀樹憑一曲《YMCA》紅遍亞洲，前日在日本逝世，終年63歲。當年他風靡萬千少男少女，蘇永康85年參加新秀歌唱大賽唱的《Careless Whisper》，亦是受到西城唱日文版的啟發，他自言「西城係我生命中第一個偶像」，現再看其演出忍不住落淚，又難忘當年跟梅艷芳和西城一齊蒲。
西城秀樹前日在橫濱醫院因心臟衰竭病逝，終年63歲，遺下一女兩子，不少香港歌手都是西城的fans，蘇永康當年以佐治米高（George Michael）名曲《Careless Whisper》參加新秀大賽，正是因為頭號偶像西城亦改編過成為《擁抱着Jive》。
蘇永康昨日接受電話訪問，指西城第二次中風時，已有心理準備：「但都覺得好唔開心，西城係我生命中第一個偶像，傳統藝人所有嘅聲色藝佢都俱全，打鼓好叻，自創表演風格，影響當代好多歌手，可惜48歲第一次中風，中風喺十年內好容易再發第二次，好不幸數年之內再發。」
| | |
西城面前唱歌
蘇永康指西城過往唱歌很生猛，但後來要坐凳唱歌，感覺欷歔。他不願接受偶像離世的事實：「西城係第一個可以喺北京開演唱會嘅日本歌手，又係第一個衝出日本嚟香港嘅歌手。」他回想當年跟偶像曾有一面之緣：「西城嚟香港玩，梅姐梅艷芳帶佢出去蒲，特登叫埋我。」因為梅姐要求，所以他放膽在西城面前唱《Careless Whisper》，他說：「記得唱完後，西城行埋嚟送咗支日本牌子嘅煙畀我，但我唔食煙，本來我想keep住，點知畀朋友食咗，我鬧咗佢一餐。」
為了看西城第一次在伊利沙伯體育館開騷，蘇永康說：「我省下幾星期零用錢買咗張150元第一行嘅飛，當時西城有一張身穿藍色衫同牛仔褲嘅海報，我都係睇住着去睇。我第一段婚姻失敗時，仲住喺淺水灣，梅姐試過半夜入嚟同我傾偈，傾偈嘅時候，我哋仲聽緊西城啲歌。」
城城：一大損失
梅姐作為西城頭號粉絲兼歌迷會副會長，蘇永康憶述：「我記得梅姐形容過西城手板好大隻，因為當時佢哋會打金器、金鏈送畀西城，而西城係會收嘅。」
蘇永康重看西城生前的演出，忍不住流眼，他說：「西城係80年代第一個喺大阪球場舉行兩萬人演唱會嘅人，佢跑足全場唱，年輕時體力非常好，唔知係咪虛耗得滯又食煙。」
身在紐約拍戲的郭富城表示：「聽到西城前輩離世嘅消息，心情很難過。我喺1999年日本福岡音樂節，曾經同佢合唱《YMCA》，佢係一位好有魅力嘅歌手，而且好友善，好榮幸曾經合作。佢嘅離世實在係藝能界一大損失，希望佢嘅家人節哀。」
採訪：皓騫
|
鍾意就快D Share啦！
|
|
|