服務業嚟講以的士業最惡，事關「揀客」「坐地起價」「劏遊客」時有發生，而服務性行業就最怕麻煩客，當「服務業最惡」遇上「服務業最怕」會變成點呢？的士業界嘅facebook群組早幾日就上載咗一條聲帶，內容係講述一名女乘客因為不滿的士司機遲到4分鐘，而且打畀司機竟然被對方cut線，所以女乘客就打去Call車App嘅客戶服務熱線度大鬧鬧足2分鐘，仲話要「玩死佢」添。
聲帶中一個聲稱係一個Call車App「飛的」嘅客戶服務熱線，女乘客電話一接通就以高8度聲線狂鬧，話司機原本應承6分鐘到，但10分鐘都未見人，搞到佢遲大到，CS大佬就話如果真係趕成咁就落去睇下有冇的士，點知女乘客更加燥，話自己Call開車係熟客仔，總之司機搞到佢遲大到就要負責任。
CS大佬原本都好聲好氣，但女乘客就越鬧越激動瘋狂爆粗，仲話「你同我玩死佢呀！」最尾忍無可忍嘅CS都忍唔住話要Cut佢線：「我係幫你解決問題唔係畀你鬧，你係咁鬧我就收線喇。」
其實係人都知呢D Call車App好多都有折頭，唔少乘客都係因為貪平而Call，所以網民一面倒撐的士，既然趕時間仲貪小便宜，加上只係4分鐘就搞到你遲大到，可想而知根本就係本身已經遲到想搵人出氣。的士大哥，香港市民終於一齊撐你喇！
【網民點睇】
梁冠萬 通常急，我打電話去大台加$實快有車，這是定律。
Anson Yau 唔知佢係有折定正價加錢call?前者佢低死，後者司機錯
Ben Li 多四分鐘就遲到…跳落嚟就最快！
戴零樂 咁咪早啲起身坐巴士囉，死蠢！
Rick Sun 好多客叫車話好急。五分鐘到都叫快d,但去到就仲要等佢五分鐘先落嚟，一上車就叫你揸快d 趕時間。
|
鍾意就快D Share啦！
|
|
|
