掃呢頁CODE去手機

2018年5月23日 星期三

【一邊求復合一邊獵物】汪子琦向富婆Laura索2.4億:合情合理 __,汪子琦,

Laura與汪子琦兩夫婦2013年3月喺無綫節目巡禮上認識馬賽,同年8月三人歐遊,爆出汪子琦暗交馬賽,令Laura怒不可遏,決定分手。(資料圖片)製片 ...


製片汪子琦與富婆Laura於2011年在紐約結婚,兩夫婦2013年3月喺無綫節目巡禮上認識馬賽,同年8月三人歐遊,爆出汪子琦暗交馬賽,令Laura怒不可遏,決定分手 (新聞連結: http://bit.ly/2klX0lk )。雖然汪子琦一直希望復合,但Laura仍然有保留,只係keep住朋友關係,但遲遲未動筆簽紙離婚。

當年Laura遭汪子琦背叛,傷心欲絕,曾服安眠藥溝烈酒自殺,幸友人及時察覺,救回Laura一命。死過翻生嘅Laura曾痛心謂:「呢段係不堪嘅記憶!」

事過境遷,Laura同汪子琦再見亦是朋友,Laura除咗打本給對方拍戲之外,去年更無條件將美國一個物業讓給汪子琦住,等佢可以安心養病,汪子琦亦乘勢求復合,可是卻俾Laura發現佢一邊想復合,一邊四出媾女,結果Laura本來諗住俾100萬美金做贍養費,最後決定一毫子都唔會俾。

Laura稱汪子琦堅決不肯簽紙,交換條件是3,000萬美金(約2億4千萬),Laura自言覺得心寒:「憑乜嘢要分身家?」另一邊廂嘅汪子琦接受《蘋果》訪問時,強調自己要求合情合理:「對於這件事我只說兩點:一,既然大家有共識分開了,她說怎麼樣就怎麼樣吧,我和她在一起十多年,從朋友到合作夥伴再到愛人,我要求的我認為也是合情合理的;二,我沒有暗交任何人。」

格言是「Cash is King!」嘅富婆Laura,美國長大,家族坐擁私人飛機、遊艇、Long Island豪宅;Laura本人亦投資有道,曾放售上海四個物業勁賺逾八千萬,近年於紐約皇后區狂掃十多間獨立屋,揸過億磚頭收租。

精選娛聞,喺晒《娛果》

http://fb.com/appledailyent


鍾意就快D Share啦!