鍾欣潼（阿嬌）和老公賴弘國（Michael）於上月26日在美國洛杉磯舉行婚前party，之後一對新人先後在美國、日本和台灣度蜜月。昨晚約7時許，阿嬌偕夫拖手步出機場，二人面露甜笑，穿白色鬆身衫的阿嬌，手上戴着巨鑽。
| | |
「未搵到地方」
阿嬌被問身份是否準賴太，阿嬌說：「其實我都話嗰個唔係一個……即係我哋真係未簽紙。」阿嬌表示兩人一齊不久，想有共同美好回憶，此行拍的片會在香港婚禮上播放。
阿嬌又透露將於12月在香港舉行婚禮，她說︰「係12月，唔係9月，但未搵到地方，所以確實嘅日子仲未可以話畀大家聽，我唔係刻意隱瞞，希望大家體諒。」問到阿嬌慣不慣被叫賴太，她笑而不語，兩公婆對望，並表示好緊張。
想身邊人幸福
當日在party上賴弘國唱《愛很簡單》送給阿嬌，事前練習多久？他說：「因為自己不是專業，現場全部人都是專業，所以當時很緊張。」阿嬌表示不會給老公滿分，怕他驕傲，但老公給她滿分。
談到祖兒最後一刻拿到簽證，阿嬌說：「佢係突然間彈出嚟畀surprise我，好意外，但係我其實一向投佢幸運票，冇諗過換人。」至於為何將花球給予阿Sa（蔡卓妍），阿嬌說：「我想身邊嘅人都幸福。」
問賴弘國往後是否不予阿嬌拍性感戲，阿嬌聞言搶答：「不嬲都冇性感過。」賴弘國卻說：「她開心就好。」至於賴弘國稱賴爸第一次見阿嬌時，已喜歡她，一家人好開心。談到生B，阿嬌表示：「順其自然。」問到婚後賴弘國是否搬來香港，阿嬌說：「我哋兩個都兩邊飛，佢送我返嚟，聽日就走喇！」
採訪︰曹家誠
攝影︰陳慧安
|
鍾意就快D Share啦！
|
|
|