掃呢頁CODE去手機

2018年6月23日 星期六

【《宫心計2深宮計》】陳煒 娜姐關係正式決裂 袁文傑被胡定欣收買 __,袁文傑,胡定欣,定欣,深宮計,麥當娜,娜姐,周秀娜,袁文,陳煒,

娜姐同陳煒嘅關係正式決裂
因為要做唯一嘅關係,喺《宫心計2深宮計》飾演皇后嘅胡定欣,處處陷害做咗昭儀嘅周秀娜,以免令自己嘅地位不保,喺呢個禮拜嘅劇情,係講定欣諗住趁娜姐喺藏書閣 ...


因為要做唯一嘅關係,喺《宫心計2深宮計》飾演皇后嘅胡定欣,處處陷害做咗昭儀嘅周秀娜,以免令自己嘅地位不保,喺呢個禮拜嘅劇情,係講定欣諗住趁娜姐喺藏書閣讀書而燒死佢,點知最後俾馬國明救番,雖然最後定欣堅稱同呢件事無關,但係馬浚偉苦無證據,最後搵咗韋家雄頂罪。

劇情喺下個禮拜,身為娜姐好友嘅心悠,喺馬浚偉面前力撐娜姐,希望佢可以了解娜姐對佢嘅心意,結果馬浚偉設計測試,最後發現原來陳煒一直安插婢女喺娜姐身邊監視,娜姐同陳煒嘅關係正式決裂。

眼見馬浚偉對自己改觀兼挺身相護,娜姐當然好感動,點知又因為馬浚偉出宮,又惹嚟殺身之禍。娜姐喺出浴期間,馬國明聽到有刺客而衝入,而喺呢個時間,定欣同韓馬利突然出現,認為佢哋兩個共處一室有奸情。

呢件事之所以發生,係因為定欣收買咗袁文傑,袁文傑入咗宮做太醫,當日藏書閣娜姐差啲被燒死,甚至喺浴池被誤同馬國明有奸情,全部都係袁文傑同定欣喺背後一手策劃,而且定欣仲知道羅霖同張慧儀當年為咗袁文傑而反目,於是乎今日又安排佢出現,希望借佢哋爭風呷醋而搞後宮。

雖然馬浚偉一直相信娜姐同馬國明,但係一直都搵唔到證據去幫佢哋脫嫌疑,最後心穎自稱係陷害佢哋嘅人,而定欣知道計劃失敗,本來諗住用盡唔同偏方去成孕,但係最後竟然係娜姐懷有龍胎,而袁文傑亦被揭穿之前嘅陰謀,定欣表面上對娜姐照顧有加,實際又諗方法剷除異己!

精選娛聞,喺晒《娛果》

http://fb.com/appledailyent

娜姐同陳煒嘅關係正式決裂 娜姐喺出浴期間,馬國明聽到有刺客而衝入 娜姐喺出浴期間,馬國明聽到有刺客而衝入
喺浴池被誤同馬國明有奸情

喺浴池被誤同馬國明有奸情
袁文傑入咗宮做太醫

袁文傑入咗宮做太醫
陳煒一直安插婢女喺娜姐身邊監視

陳煒一直安插婢女喺娜姐身邊監視
最後竟然係娜姐懷有龍胎

最後竟然係娜姐懷有龍胎

鍾意就快D Share啦!