汪琳係昔日無綫「電波少女」，雖然演出嘅角色大部份都好楚楚可憐，好似《十月初五的月光》嘅汪海琳、《狀王宋世傑2》嘅小青等。但現實中佢係幸福人妻，08年與拍拖5年嘅圈外商人張忠弦（Joey）結婚，囡囡張梓彤（Kesha）都已經6歲喇，早前佢仲透露懷有身孕，預產期係7月尾，但一直唔講呢胎係仔定女。
日前《蘋果》讀者李小姐透過《爆相爆片》透露日前下午三時許，見到腹大便便嘅汪琳喺銅鑼灣一間修甲店內修甲，汪琳全程戴住口罩。
李小姐話汪琳應該係熟客仔，與職員好熟絡：「見佢個肚超大，聽到佢同美甲師講話隨時生得，仲話呢胎生仔，但唔好講同人講。」李小姐話汪琳只係整指甲，逗留約45分鐘後離開，李小姐仲話﹕「聽見佢用英文講，叫個司機喺樓下等佢，家庭環境都應該幾OK。」
汪琳現在已是全職主婦，對於被讀者爆今胎生仔，佢接受《蘋果》電話訪問時就啲無奈話﹕「咁都聽到？真係隔牆有耳。其實冇乜所謂，仔女都開心，等咗咁多年，個女都就快7歲，始終兩個好啲，有人陪吓個女。」問到生仔，老公係咪最開心？佢話：「開心啩！」汪琳直言生埋呢胎就會封肚，佢話﹕「我都一把年紀(40歲)，收爐」
對於有司機接載出入，汪琳強調只係小康之家，佢笑笑話﹕「咁老公做中港生意，成日唔喺香港，有咩事都會多個人照顧。好似日前囡囡燒到近40度，我仲要喺醫院頻撲，哎吔，勞勞碌碌影唔到，剩係影我嘆世界。」問到點解咁貪靚？佢話：「因為生之前要拆晒啲gel，因為要夾手指公，但其實未生得，今次真係去整靚甲。」
精選娛聞，喺晒《娛果》
http://fb.com/appledailyent
| 汪琳臨生前都修甲，非常貪靚。(圖片由讀者提供) | | |
| | |
來源 source: http://hk.entertainment.appledaily.com
|
鍾意就快D Share啦！
|
|
|
