今時今日要做型男，用髮蠟gel頭出街是常識吧，但要受其他人注目就必須多花一點心思。有網友於港鐵車廂內發現一名男子，用大量髮蠟把頭髮束起，每束頭髮都十分堅挺，尤如漫畫角色撒亞人一樣。該名「撒亞人」乘港鐵到機場沿途被不少網民「捕獲」，惟有人將相片貼上網，暗諷其造型，惹來其他網民批評。
「究竟何為藝術？想問吓男仔呢個髮型要搞幾耐先出得門口？」網民Tiffany前日（5日）於專頁「巴打絲打 Facebook Club」上載該張男子的背影照，瞬即吸引一眾網民眼球注意，網民對「撒亞人」現身港鐵議論紛紛，有人指他極似動畫《龍珠》中的孫悟空造型，「果然係傳說中嘅超級撒亞人」，惟有人批評他標奇立異，引人注目，髮型只像垃圾桶上俗稱「米缸」的煙灰缸。
由於髮型奇特出眾，不止一人成功追蹤到他行蹤，更有人指曾見他真人，認為他是泰國旅客，曾在旺角出現，當日同樣從香港站乘東涌線到機場。
不過，有網民卻挺身為男子出頭，不值其他人放上網公審取笑他的行為，認為他打扮自己喜愛的造型，在街上被人評頭品足無可厚非，但無理由要未經同意便被偷拍放上網：「無啦啦行出街冇得罪人都要畀人影上嚟公審！真係黐線，係咪咁悶冇存在感？」
網民有話說
Leung Siu-Wah：髮型嘅野，板主識條鐵咩？佢唔係你個仔或者男朋友咪算，又公審人哋！
Key Tsang：假髮嚟啫，嚇我唔到嘅
Nathaniel Ung：藝術嘅嘢你識條鐵咩
Sc Chan：呢個髮型簡直令人髮指
Kit Kit：可能識龜波氣功~！
She W Y Eugene：想插人對眼啊？
Bread Hong：果然係傳說中嘅超級撒亞人
徐源：增加接收能力！網速5G
※緊貼網民熱話，掌握最熱話題，請關注網民熱話fb：
http://on.fb.me/1L3m1ro
|
鍾意就快D Share啦！
|
|
|
