現年72歲的是夏雨（原名：黃成），為了父親節，竟然上道場。
夏雨自認不擅表達情感，認為父子間無須做太多表面功夫。因此，節日對他來說從不重要，生日也不覺得要慶祝，何況父親節。今次與29歲長子黃奕晨（Dixon）接受《蘋果》專訪，卻在道場上見父子情。
夏雨當年安排喺溫哥華讀書嘅Dixon學習跆拳道，一學就愛上，Dixon現時已經係黑帶三段，早年佢同父親同住嘅西貢村屋「雨房」被爆竊，亦全靠Dixon窮追擊退賊人。
兒子長大了，就得肩負起保衛家園重任，是日Dixon還即興教父親兩招自衛術——由囝囝示範做賊人，教夏雨叔一旦遇襲，可嘗試以左手按着對方膊頭，然後右腳踏前一步，同時以右手按着對方膊頭，將對方壓低。
夏雨叔有名「青筋現」，火氣十足，身手也靈活。當Dixon出手襲擊，夏雨叔即用左手拉着Dixon手臂，再一個反手就將Dixon撻落地，Dixon都被他殺個措手不及。
較量完畢，來點溫情的。Dixon忽然送上名貴鋼筆，作為父親節禮物，夏雨叔亦難掩喜悅，語帶哽咽回應：「雖然筆好小事，但我都好warm，因為有個咁嘅心……」Dixon聞言即攬着父親。
回港六年，Dixon一直跟父親住在同一屋簷下，但承認跟父親有點生疏。他說：「之前有諗過一齊住會溝通多咗，但唔知點解，我哋好少傾偈，大家喺屋企都各自各咁，好似有種隔膜，好生疏。不過，我都畀呢個父親100分滿分。」
Dixon再鼓起勇氣，踏出第一步跟身旁的父親講心底話：「你嘅問題，我未必可以為你解決到，依家成頭家你支撐住，我希望有咩問題，就算我幫唔到解決，但你想同人傾下，可以同我分擔，都可以同我講下個問題喺邊，我未必比到好意見，但想知你背後問題，壓力喺邊。」
夏雨叔一聽到，那堵無形的牆，應聲碎裂：「呢方面我係唔擅於（表達），可能慣咗一個人解決，覺得講咗又如何，都幫唔到……係冷漠啲，唔係話攬頭攬項頸嗰種，原因成長過程我唔喺身邊，的確唔係咁warm！」
夏雨叔又指，明白Dixon繼續跟他同居的心意，但他也有自己想法：「明白佢做嘅嘢，明白佢為我著想，但自己唔係咁諗。每人行自己嘅路，而且一個人老咗好麻煩，要人照顧請個護士喺身邊就得，所以我成日同佢講，第日結咗婚就搬，始終老鬼同後生有代溝，一齊住好麻煩。」
那麼，夏雨叔又對囝囝有何忠告？他說：「佢冇乜機心。佢好似好醒目，但個腦好簡單，邊樣重要一定要做咗先，邊樣冇咁重要，主次位擺錯位，呢個要慢慢長大。」Dixon則表示，最希望可以一家人去旅行，但尊重父親以工作為先，更指自己這方面跟父親最相似。
採訪：小米
攝影：葉君海
影片：廖達燊
場地提供：胡氏跆拳道銅鑼灣道場
相關文章：
【爹哋=萬能俠】妹妹Sukie向父求婚 鍾舒漫自嘲在騙案中成長
https://bit.ly/2JQjfuV
| 攝影：葉君海 影片：廖達燊 | | |
| | | |
| | | |
| | | |
| | | |
| | |
|
鍾意就快D Share啦！
|
|
|