鄧麗欣Stephy同方力申分手兩年有多，而Stephy亦多次透露自己有追求者，當中有男有女。直至近日，Stephy又有新戀情傳出，對象係台灣男藝人，《模范棒棒堂》成員邱勝翊（王子）。今次更加傳到言之鑿鑿，兼有圖有片，相信兩人極有可能喺熱戀當中。
據知Stephy同王子喺今年2月，透過中間人應采兒而認識。二人隨即開始互相關注對方IG，甚至連對方親朋好友都follow埋，又不時進行互動，例如俾like、留言等等，仲會講埋一啲頗有暗示，容易令人諗錯隔離嘅說話。更加明顯嘅一點，就係兩人為預祝兒童節，不約而同咁喺同一日上載自己嘅小朋友相，畫公仔唔使畫出腸啩。
另外，亦有知情者透露Stephy同王子一齊去蘇梅旅行。唔係齋噏當秘笈架，堅係有傳媒喺4月3日影到佢兩個合體現身台北機場，準備一同外遊。片中所見，王子戴晒cap帽、黑超、口罩，包到實驚俾人認出。Stephy反而無咁神秘，簡單一副超就算。不過兩人全程保持一個身位距離，並無親密接觸。
Stephy同王子係咩關係，相關大家有眼睇，識自行判斷啦。
來源 source: http://nextplus.nextmedia.com
|
鍾意就快D Share啦！
|
|
|