陳淑蘭指公司已出警告信，請對方不要再亂說話。
藝人陳淑蘭（蘭子）早前在社交網post「引狼入室論」，惹來女友人Crystal在網上連珠炮發，並驚爆去年蘭子跟闊少利承武已甩拖。今日（28日）蘭子到電台開咪後跟傳媒交代事件：「由頭到尾我覺得冇罵戰，都幾莫名其妙同愕然。我有朋友介紹佢（Crystal）入酒店餐廳做，之後公司唔再同佢續約，人哋幫手咁耐，我只係多謝佢，跟住唔知發生咩事，引嚟咁多嘢。」
多謝對方造就宣傳機會
問到她在社交網指家賊難防是否指Crystal？她坦言不想對號入座：「好多嘢唔淨係我同朋友娛樂大家，而係牽涉到公司，講不實嘅嘢就係誹謗，如果要支持我講嘅嘢，就要攤公司嘅嘢同人講，我覺得冇必要。」她透露公司已出警告信，請對方不要再亂說話，而她亦已知會律師，由專業人士跟進：「另一方面我多謝佢（Crystal），傳媒朋友好耐冇咁搵我，我有啲飄飄然，係佢造就嘅機會，畀我宣傳電台同專欄。」
最擔心媽媽身體
至於Crystal指她當自己是利太，她稱娛樂圈每日都很多這些新聞，她不會逐樣回應：「呢樣嘢我之前都唔回應，不過唔知點解有人對號入座搞咁大龍鳳。」她說朋友擔心她畀人蝦，因此很感謝朋友關心，但自己最怕身體不太好的媽媽擔心：「夠喇，唔好再搞到其他人。我7月19日就50大關，有高人叫我搞大生日，要請60個人以上，我得罪人多，稱呼人少，600個仇人就易請啫。」她慶幸有很多人幫手搞生日，自己亦想請很多人：「梁思浩話要幫我搞到台慶咁，我覺得都有呢個福氣，會喺番酒店餐廳搞。（想證明畀Crystal睇你啲朋友唔係走晒？）係囉，同埋如果有問題，我都唔會再喺呢間餐廳做任何嘢。」
來源 source: http://hk.on.cc
|
鍾意就快D Share啦！
|
|
|