熱爆娛樂: 【超~巨形龍鳳鈪！】薛家燕娶新抱大手筆送六子連環金豬牌 _

2018年6月11日星期一

【超~巨形龍鳳鈪！】薛家燕娶新抱大手筆送六子連環金豬牌 __,家燕,薛家燕,

薛家燕今日娶新抱，二仔石耀庭（Jackson）同女友Zoe拉埋天窗，今早佢哋喺洲際酒店內，跟足傳統進行接新娘儀式。一對新人穿上中式裙褂同禮服，Jackson就同班兄弟團浩浩蕩蕩推住花轎，Jackson跟足傳統踢過花轎門，迎接新娘子Zoe。

之後一對新人上咗酒店房同奶奶家燕姐及長輩斟茶，飲過新抱茶家燕姐笑到見牙唔見眼，一對新人仲好乖巧咁，齊齊錫家燕姐，o氹得家燕姐冧到呢！家燕姐話晒得一粒仔，而且係仔女中首次辦喜事，家燕姐唔止悉心打扮，載住翡翠鑽石首飾，而佢送俾新抱仔Zoe嘅金器都好重手，好似六子連環金豬牌，唔通家燕姐想佢生夠6個孫。至於一對極粗身嘅巨形龍鳳鈪，新娘子戴上手後，幾乎遮蓋佢半隻手同手腕，認真誇張。

精選娛聞，喺晒《娛果》

http://fb.com/appledailyent

除咗新娘一身金器搶眼，家燕姐手上嘅巨型翡翠戒指都好驚人。	薛家燕送俾新抱嘅金器，份量十足。	 一對新人好乖巧錫新奶奶，家燕姐笑得幾開心。
 Jackson踢花轎門。	 Jackson從花轎接新娘。	 家燕姐晒下送畀新抱Zoe嘅金器。
 Zoe戴住6仔金豬牌，同埋一對勁粗龍鳳鈪，非常誇張。