每日大量精彩內容，立即按此連結下載APP：http://bit.ly/next28app
請參與壹週刊大獎賞活動！有機會抽中郵輪假期 、名牌腕錶、4K超高清電視或金箔護膚品，仲有機會同陶傑共晉晚餐添！
即按：http://bit.ly/Appinstall18
佘繕妡出戰世界青少年劍擊錦標賽少年組女子重劍個人賽，擊敗美國劍手封后，成為香港歷年來第三個於世青賽贏得金牌嘅香港劍手。「首先打咗亞青，攞咗U17嘅金牌，跟住U20嘅銅牌，喺團體方面，U17就攞咗銅牌，U20就攞咗金牌，之後四月就喺意大利舉行嘅世青賽攞咗一面金牌，啱啱攞咗一個亞錦銅牌。」
佘繕妡同師兄方凱申一樣，初時係玩花劍，之後先轉玩重劍。「因為嗰時玩花劍冇乜成績，除了最後一年，之後教練就同我講，不如你轉重劍啦，那就可以去打世界比賽，可以達到世界級水平，我就話好啦，不如轉一轉嘗試一下啦，我個人都鍾意嘗試嘛，所以就選擇咗重劍啦，開始玩嘅時候就已經好鍾意重劍啦，點解呢，因為重劍比較free style，自己做乜都得嘅，跟花劍不同，因為花劍有進攻拳同反攻拳啦，反而重劍就乜都冇嘅，係一個鬥唔好俾人㓤到但又㓤到人嘅遊戲，所以自己鍾意打重劍，因為俾我表現到自己囉。」啱啱滿十七歲嘅佢，練劍之餘要著重學業，多謝父母支持外，仲要感激體院轉為運動員安排嘅「夥伴學校計劃」。「係一個特別計劃，俾我哋呢啲青年運動員去做，可以俾我哋兼顧運動和讀書，以我個案而言，就係由ESF與體院一齊簽下嘅一個合約，以及一齊搞嘅一個計劃俾我哋嘅，還要多謝康教練，佢亦都俾我父母一個信心，讓我轉為全職嘅。」
採訪：肥A
攝錄：黃志明
場地提供：PRIMO FENCING
來源 source: http://nextplus.nextmedia.com
|
鍾意就快D Share啦！
|
|
|
