現年42歲的張新悅於上周六再誕下女兒，成為四女之母。昨日張新悅在社交網公佈喜訊，留言分享再為人母喜悅：「四女兒7月7日終於誕生了，小小個子2.65公斤（約5.83磅）皮膚紅紅很趣致。望着她心裏會唱起《IQ博士》『小雲同小吉好重要』，所以改她為『小雲』Lola。」
除了Lola獨照外，向來貪靚的張新悅，不忘化妝及換上靚衫跟老公楊哲安及Lola一齊拍短片，感激醫護團隊。她又代囡囡留言，稱是楊家新加入的成員：「本來前日就可以同你哋見面，但媽咪嫌自己唔夠靚要化番個妝先同大家見面，還要拍條片留為紀念，真覺得自己被寵愛。」
掛住傾偈
張新悅之後接受《蘋果》電話訪問，她說：「頭兩次順產，第三次緊急開刀，今次醫生建議都係開刀。乜嘢都試過晒，但子宮收縮嘅痛楚今次第一次感受到好厲害，係生四個嘅付出。」最搞笑是張新悅跟老公都忘記替Lola剪臍帶，她笑說：「因為我都係瞓喺度等，老公咪同我傾偈，傾傾吓都唔記得要剪臍帶，哈哈。之前自然生嘅話，我就好忙，要不停push；第三胎就臨急開刀，手忙腳亂，好緊張。今次我做晒行樓梯各樣，都冇作動迹象，所以開刀。」
| | |
冇諗追仔
張新悅於07年嫁現任區議員楊哲安後，先後誕下三位千金，今年1月與老公及三名女兒拍片，宣佈意外懷第四胎，4月再公佈陀女。雖然B女已經是張新悅的第四名女兒，不過她表示一直沒有追仔念頭，所以不覺得失望，而三名女兒知道多添一名妹妹，亦很開心。
採訪：小米、林妙萍
|
鍾意就快D Share啦！
|
|
|
