早幾年富豪趙世曾因為女兒趙式芝公開與同性partner之關係，因而大發雷霆並且公開招女婿作反擊，試圖拆散鴛鴦。但愛情呢啲嘢冇得逼㗎。
同樣係船王之後， 吳光正家族就開明得多囉。 早排吳光正母親王淑英以104歲享壽過身，係報章登咗個訃聞，小小嘅訃聞內容足見吳光正之開明思想，原來長居美國的長女吳宗明有一伴侶名為熙建真，訃聞上身份為「孫伴」而非「孫婿」，但身份地位相同。此開明思想傳自包玉剛家族，2011年包玉剛太太黃秀英過身，其時包家四小姐包陪慧，與鄭維健離婚後，亦遇上第二春，有一位partner 周安倫出現在母親訃聞上; 當時姨甥女吳宗明嘅 另一半 亦以英文partner交待其關係，如今以中文「孫伴」更恰到好處。
再仔細睇，吳光正已為五名外孫之公公，其中四位由長女吳宗明所出，姓氏亦跟其partner之姓 熙，光明正大，無須偷偷摸摸。 據小宗所知，香港唔少富豪之後，都有同性伴侶，但依然不敢公開其關係，受到族人的壓力，抑壓得好辛苦。吳光正對待尊重女兒婚姻之開明態度，大可作為富豪之典範也。
撰文：宗菁華
相關連結：
【碧咸發哥都去食】岳少富豪飯堂被蹺起 大廚中環跳落深水埗（足本版）
https://bit.ly/2KKrutQ
請參與壹週刊大獎賞活動（包括與陶傑晚宴），即按：http://bit.ly/Appinstall18
來源 source: http://nextplus.nextmedia.com
|
鍾意就快D Share啦！
|
|
|
