大劉攜老帶幼睇《蟻俠2》，無非都係想大家笑得開開心心啫，所以除咗只得半歲人仔嘅甘比孻女無參與外，其他小朋友都總動員出動，包括埋親戚嘅小朋友，就連呂麗君生嘅囝囝劉子鋒都罕有現身，咁點解唯獨唔見家姐劉秀盈（呂麗君大女）嘅？
講起秀盈，大劉「何止心悒」！事關2016年大劉同呂麗君分訊新聞不絕於耳嘅時候，大劉曾經講過：「她（呂麗君）教孩子仇視我，有次我返12號屋看孩子，女兒見到我爸爸也不叫一聲 看到孩子這樣我何止心悒。以前我自視高，智慧高，結果三個女人生出來的孩子都不同，孩子有些是來還債，有些是來討債，有苦自己知。」
照而家獨欠秀盈嘅情況睇，似乎阿女都仲係唔太鍾意爸爸大劉喎。另外，以往《壹》仔喺街撞見秀盈時，唔係阿媽呂麗君陪住，就係幾個保鏢、傭人傍實，大劉身影真係絕無僅有。
相反，甘比明顯識教好多，一對仔女(劉秀樺及劉仲學)由細到大都好黐爸爸，仲影到過甘比仔女會主動叫「爸爸」然後扭抱，勁冧豬。另外，就算呢日大劉全程被呂麗君仔子鋒霸住，但甘比都無唔抵得，亦唔呷醋，甚至「攻心計」，依然談笑風生、悠然自得，難怪咁得大劉欣賞。
請參與壹週刊超吸引大獎賞活動（包括與陶傑晚宴），即按詳情：https://bit.ly/2KI2Nyf
來源 source: http://nextplus.nextmedia.com
|
鍾意就快D Share啦！
|
|
|
