足本精彩內容請按以下網址： http://bit.ly/2u17AAn
請參與壹週刊超吸引大獎賞活動（包括與陶傑晚宴），即按詳情： https://bit.ly/2KI2Nyf
劉鑾雄（大劉）同甘比享受家庭日，除咗有甘比所生嘅劉秀樺、劉仲學之外，估唔到呂麗君嘅囝囝劉子鋒都有參與。兩房小朋友一齊現身，誇張啲講簡直係破天荒。
又到暑假，而且最近有被譽為最好笑嘅Marvel電影《蟻俠2：黃蜂女現身》上畫，為人父母梗係要帶埋仔女，一家大細入場笑餐飽啦，就連大劉同甘比都唔例外，連同保鏢、傭人等在內，一行十九人現身自己嘅皇室堡睇戲。
一段時間無見，甘比大女秀樺明顯大個咗好多，高過婆婆膊頭，而且面珠有肉都幾得意，不過就同細個嗰陣一樣最鍾意食，以前睇商場騷要食乳酪，而家睇《蟻俠》要食著片，散場未食晒都要自己拎住走。
至於近年比較少公開露面嘅呂麗君細仔子鋒，就被爸爸大劉拖到實，睇得出大劉好肉緊，捨不得鬆手被囝囝跑開，相信係因為子鋒主要由呂麗君照顧，大劉比較少機會見到呢粒仔，加上潮州人特別重視男丁，所以呢日先咁肉緊。
殿後嘅甘比就拖住仲學，同其他女親友一齊說說笑笑，好享受一家大細睇場戲，簡簡單單又開開心心咁過一日。
BTW，大劉出巡嘅排場幾時都係咁大陣仗，單係戴口罩、雙手鋪毛巾嘅護航保鏢、傭人都有8個，離開時又分三架車七人車一齊行駛。
立即按此連結下載APP： http://bit.ly/next28app
|
鍾意就快D Share啦！
|
|
|
