定欣孖山聰出席婚宴。
藝人胡定欣、陳山聰出席陳榮峻及吳香倫的婚宴。問到定欣是否「有着落」時，她謂：「未有時間，想完咗舞台劇休息吓先就真。山聰佢哋成日都話介紹男仔畀我識，但佢哋啲朋友全部結晒婚，佢哋有個『將軍澳福利會』嘅group，裏面三對人有聚會千祈唔好叫我，我單身一人呀。（識到男仔會帶畀山聰佢哋過目？）一定唔會，佢哋嚇走人呀，真係唔夠膽畀佢哋見！」
結婚唔擺酒
問山聰是否來取經？他說：「唔使啦，我成日去飲，況且我唔諗住擺酒。」定欣笑叫山聰「畀定個期先」，山聰即推搪謂：「我自己都唔知，好忙呀，轉頭又要返廠拍劇喇。（真係唔擺酒？）唔啦，我覺得擺酒好似冇乜時間招呼賓客咁，自己亦唔想麻煩到人，到時咪開個私人派對、同屋企人食飯，去旅行算啦。（女友肯？）佢最想添呀！」
來源 source: http://hk.on.cc
|
鍾意就快D Share啦！
|
|
|
