朱朱及煒哥一齊出席陳榮峻與吳香倫的婚宴。
62歲資深藝人陳榮峻今迎娶58歲吳香倫，而晚上於九龍灣設宴，筵開60圍，朱晨麗（朱朱）、陳煒（煒哥）等藝人到場祝賀，身穿斜膊裝的煒哥與穿露膊裝的朱朱都非常搶鏡，朱朱指跟陳榮峻在《末代御醫》合作過：「我飾演珍妃，佢係推我落井嗰個囉，時間真係過得快，當時知道佢哋拍拖，依家就結婚好幸福！（想唔想好似佢哋咁幸福？）都想搵到另一半，我比較傳統，都想組織一個家庭。」問她為何不與緋聞男友何廣沛一齊來飲宴？她即用煒哥來擋：「我有煒哥嘛，我要嫁畀佢，平時拍劇都成日同床，差在未一齊沖涼，如果有個好似佢咁體貼嘅男朋友就好喇！」
物色對象中
煒哥被問到何時搵番個另一半時，即長嘆一聲：「唉…所以依家咪去多啲飲宴，物色一吓。」在旁的朱朱笑言會充當紅娘，幫手物色。早前有傳煒哥前夫顏志行想跟她再續前緣，但她否認：「冇啲咁嘅事，大家都係朋友，會WhatsApp聯絡吓，保持友好關係。」
來源 source: http://hk.on.cc
|
鍾意就快D Share啦！
|
|
|
