楊思琦昨日到新城電台宣傳其首本寫真《MISS SZEKI2018》，思琦表示寫真反應甚佳：「好多謝大家支持，有啲地方已經賣斷市，書商係有加印嘅諗法。」
囡囡讚寫真靚
思琦於寫真內送了彩蛋給大家，提到自己與李嘉欣有親戚關係，嘉欣是她的姑媽的姨甥女，思琦說：「其實係當時出版商問我有冇一啲特別事可以同大家分享，於是我就諗會唔會有啲嘢係大家唔知呢？其實呢樣喺我哋屋企當然唔係秘密，只係大家唔知之前亦都冇特別講。」問到有否事先諮詢姑媽，思琦說：「咁又冇同佢講過，其實我哋與李嘉欣雖然係親戚關係，但平時都比較好少見。」那麼，怕不怕嘉欣不喜歡？思琦說：「我唔猜測啦，冇咁嘅需要。」
寫真受歡迎，會不會吸引到更多人向思琦問價？思琦說：「都唔係淨係出寫真先有人問啦，我都唔得閒留意。」囡囡卓穎亦有陪思琦一同現身，思琦透露囡囡首次看完她的寫真：「佢咪不停話好靚好靚囉。」至於未來會否考慮再影多輯，思琦表示未知。
採訪、攝影：曹家誠
來源 source: http://hk.entertainment.appledaily.com
|
鍾意就快D Share啦！
|
|
|
