掃呢頁CODE去手機

2018年7月21日 星期六

【終於有劇追】暗黑系電視劇《Plan B》王宗堯陳啟泰玩盡人性陰暗面! __,王宗堯,宗堯,陳啟泰,

單睇宣傳相已經好有電影感,追埋劇情就知道節奏好快無悶場。
【特約報道】好人過馬路會幫阿婆執橙,壞人擰轉面會奸笑兼自爆有陰謀,每句對白爭啲就要交待埋角色前世今生,當然唔少得問你餓唔餓煮咗麵未……其實年輕人,係咩 ...


【特約報道】

好人過馬路會幫阿婆執橙,壞人擰轉面會奸笑兼自爆有陰謀,每句對白爭啲就要交待埋角色前世今生,當然唔少得問你餓唔餓煮咗麵未……其實年輕人,係咩令到你仲會繼續煲膠劇?係愛?定係責任?係無得揀呀!

《Plan B》擺得在深宵時段播放,就知道題材唔會好同壞二元對立咁簡單。今次由《第七謊言》導演孔令政執導,有男神王宗堯、演技派陳啟泰、「港版半澤直樹」陸駿光同田雞,劇情大玩黑色荒誕同懸疑犯罪,呢個星期首播已經發覺拍攝手法似足美劇,節奏快兼劇情緊湊,好耐無試過要晚晚追劇喇!

今次故事以元朗為背景,講述飾演富商情人的吳嘉熙(Cheronna)被綁架,原本以為係一宗勒贖案,點知追查後發現局中有局,一眾主角人性陰暗面盡露,仲陰差陽錯牽連大班官商鄉黑勢力,最後眾人仲走上絕路……咁大膽講黑勢力,仲要踩入元朗實境拍攝,都係戴定頭盔加番句「如有類同,實屬巧合

安全啲!

除咗題材大膽,一眾演員都有破格演出。一向官仔骨骨的陳啟泰竟然演黑幫大佬「黎根」,見佢平日笑騎騎,點知一除低眼鏡以鬚根Look示人即刻放毒蛇,眼神凌厲兼勁有霸氣,原來導演孔令政就係睇中佢有陰暗面,仲話明呢個角色非佢莫屬!而陸駿光演執屍隊員「閻羅」,份工加埋個名已經夠邪門,佢仲染咗一頭銀白髮,望落真係有小小陰森!至於王宗堯一向走開型佬路線,今次轉做古惑仔兼有動作場面,男神間唔中仲會做埋武指幫手一齊度動作,真係睇得又打得。不過講到最入型入格,飾演鄉紳霸王的田雞實在無得輸,唔知佢有無私底下向邊位取經呢?

講明係「暗黑系」,劇情當然有拳頭又有枕頭,今次仲會挑戰電視尺度大玩血腥,幾位主角個個亦正亦邪,由只求贖金到互相出賣再到為一個情字走上絕路,扭橋扭到出神入化,唔到最後一秒都估唔到結局!

《Plan B》

ViuTV逢星期一至五晚上11時30分播出



十幾年無拍劇的陳啟泰破格做黑幫大佬,唔戴眼鏡加埋鬚根look的確有幾分霸氣! 十幾年無拍劇的陳啟泰破格做黑幫大佬,唔戴眼鏡加埋鬚根look的確有幾分霸氣!
一頭銀白髮的陸駿光做執屍隊員,劇情講佢同陳啟泰原來有好大仇口。

一頭銀白髮的陸駿光做執屍隊員,劇情講佢同陳啟泰原來有好大仇口。




明明槍頭對住土地霸王田雞,點解古惑仔王宗堯塊面會仲青?

明明槍頭對住土地霸王田雞,點解古惑仔王宗堯塊面會仲青?
Cheronna處女下海拍劇就要做富商情人,仲要俾人縛架兼用刀脅持。

Cheronna處女下海拍劇就要做富商情人,仲要俾人縛架兼用刀脅持。

鍾意就快D Share啦!