掃呢頁CODE去手機

2018年7月21日 星期六

o靚模Diva認與大劉罵戰:個阿叔話我整容怪物 __,整容,劉鑾雄,大劉,

■大劉甚為疼愛子女,稍有危險,即肉緊保護子女。資料圖片
■大劉甚為疼愛子女,稍有危險,即肉緊保護子女。資料圖片當事人Diva昨日以短訊回覆本報,重述事發經過,她重申完全沒撞到大劉的兒子:「嗰日喺希慎有fan ...


當事人Diva昨日以短訊回覆本報,重述事發經過,她重申完全沒撞到大劉的兒子:「嗰日喺希慎有fans認得叫我影相,又叫我加佢fb。加完之後,我攞住部電話行上電梯。跟住有個阿叔係度鬧我,話我做乜攞住個電話『做乜喺度攞住部電話、喺度望電話』,仲要語氣極度惡劣。」Diva反問攞電話跟對方有何關係時,該位「阿叔」說:「點解唔關我事呀,你撞到我個仔……」Diva強調跟前面的小男孩(仲學)有兩至三呎距離,但對方越鬧越過份。她說開頭並不認得對方是誰,還叫他不要勞氣,直至見到甘比叫「爸爸唔好嘈」,才知道是大劉。



■甘比最近不停做善事,回饋社會。資料圖片 ■甘比最近不停做善事,回饋社會。資料圖片

Diva表示言談間有人大叫不要亂鬧人、積口福,他聽完後更嬲,她說:「就算佢係有錢人都要講,我都冇撞到佢個仔,為啲冇發生嘅嘢而鬧我。我唔會因為佢係大劉而畀面佢囉,如果真係撞到你個仔,我一定會say sorry,咁但係冇吖嘛。見你靚女啲,就話你整容怪物,你講完我唔鍾意,呢句傷害到我,咁去驗囉,我講到如果我冇整容,你賠錢畀我呀。」對於今日67歲生日的大劉,Diva祝他「身體健康」,又提議他返自己的商場The One逛街。

大劉昨晚接受本報獨家電話訪問,他澄清道:「我開頭唔係鬧佢,係好好聲氣嘅。我話『姐姐,你左手拎電話、右手篤手機,唔睇路,好危險,好易發生意外撞親人。』」他主要是擔心對方會令仔女有危險,兩人因而發生爭執。



「我當時嬲得滯」

至於罵對方為「整容怪物」,大劉直認不諱:「我當時嬲得滯,我睇佢個樣都唔止整容一次網上傳聞話佢做過舞女、生過仔,我唔知真定假,唔關我事,但我絕對相信佢整容係真嘅,我用肉眼睇,估佢整容整咗N咁多次!」

大劉受訪時又承認怒從心起,而說出過份的說話,至於Diva受訪時說:「佢仲嬲,仲話搵人打我。」大劉解釋說:「當時大家鬧緊交,一時之氣,梗係亂噏,邊得閒打佢?盞益咗佢!」又稱:「我𠵱家咁肉緊,係因為呢啲電梯意外成日發生,係真係會死人,所以我先會話佢!」

採訪:鍾國仁、嵐山、陳杰




鍾意就快D Share啦!